வரலாறு படைத்துவரும் டுப்லான்டிஸின் உலக சாதனை தொடர்கிறது

23 Apr, 2024 | 12:18 PM
image

(நெவில் அன்தனி)

சோவியத் யூனியனின் சேர்ஜி பப்காவுக்குப் பின்னர் உலக கோலூன்றிப் பாய்தலில் வரலாறுக்கு மேல் வரலாறு படைத்து வருபவர் சுவீடன் தேசித்தின் ஆமண்ட் டுப்லான்டிஸ் ஆவார்.

சீனாவில் ஸியாமெனில் நடைபெற்ற  வருடத்தின் ஆரம்ப  டயமண்ட் லீக் தொடரின் கோலூன்றிப் பாய்தலில் டுப்லான்டிஸ் எட்டாவது தடவையாக உலக சாதனை நிலைநாட்டினார்.

அப் போட்டியில் 6.24 மீட்டர் உயரத்தை தனது முதலாவது முயற்சியிலேயே தாவிய  டுப்லான்டிஸ் தனது சொந்த சாதனையை எட்டாவது தடவையாக புதுப்பித்துள்ளார்.

இயூஜினில் கடந்த வருடம் நடைபெற்ற டயமண்ட் லீக் போட்டியில் நிலைநாட்டிய 6.23 மீட்டர் என்ற உயர சாதனையையே இப்போது டுப்லான்டிஸ் புதுப்பித்துள்ளார்.

சீனாவில் இந்த புதிய சாதனையை  டுப்லான்டிஸ்  மிகுந்த நம்பிக்கையுடனும் எவ்வித சிரமமும் இன்றியும் நிலைநாட்டினார்.

அப் போட்டியில் தனது முதலாவது தாவுதலை 5.62 மீட்டர் உயரத்திலிருந்து ஆரம்பித்த டுப்லான்டிஸ், இரண்டாவது தாவுதலை 5.82 மீட்டரில் நிறைவு செய்தார். இந்த இரண்டு உயரங்களையும் அவர் தனது முதலாவது முயற்சியிலேயே தாவி பாராட்டுதல்களைப் பெற்றார்.

இதனைத் தொடர்ந்து 6 மீட்டர் உயரத்தில் குறுக்குக் கம்பம் வைக்கப்பட்டது.

அந்த உயரத்தை டுப்லான்டிஸ் முதல் முயற்சியிலேயே தாவியதுடன் அவரை எதிர்த்து போட்டியிட்ட அமெரிக்கரான சாம் கெண்ட்றிக்ஸ் 3 முயற்சிகளிலும் கோட்டை விட்டார்.

அதன் பின்னர் போட்டியில் மிஞ்சியிருந்த ஒரே ஒருவரான ஆமண்ட் டுப்லான்டிஸ் தனது முந்தைய சொந்த சாதனையான 6.23 மீட்டர் உயரத்தை முறியடிக்கும் முயற்சியில் இறங்கினார்.

என்னே ஆச்சரியம்! டுப்லான்டிஸ் எவ்வித சிரமத்தையும் எதிர்கொள்ளாமல் 6.24 மீட்டர் உயரத்தையும் முதல் முயற்சியிலேயெ தாவி புதிய உலக சாதனை படைத்தார்.

35 தடவைகள் உலக சாதனையைப் புதுப்பித்த சேர்ஜி பப்காவைப் போன்று சாதனைகளின் எண்ணிக்கையை டுப்லான்டிஸ் அதிகரித்துக்கொண்டே செல்கிறார்.

அவர் ஒவ்வொரு தடவையும் சாதனையை புதுப்பிக்க முயற்சிக்கும்போது தனது முந்தைய சாதனையைவிட ஒரு மீட்டர் கூடுதலான உயரத்துக்கே குறிவைக்கிறார்.

டுப்லான்டிஸ் 6.24 மீற்றர் உயரத்தைத் தாவியபோது 6.29 மீட்டர் உயரத்தில் இருந்ததாக பதிவாளர்கள் கணிப்பிட்டுள்ளனர். இதற்கு அமைய பாரிஸ் 2024 ஒலிம்பிக் விளையாட்டு விழாவில் எவ்வித சந்தேகத்திற்கும் இடமின்றி டுப்லான்டிஸ் சாதிப்பார் என நம்பப்படுகிறது.

முக்கிய செய்திகள்

icon-left
icon-right

தொடர்பான செய்திகள்

news-image

ரி20 உலகக் கிண்ண அரை இறுதிக்கு...

2024-06-23 18:52:47
news-image

பெட் கமின்ஸ் அடுத்தடுத்த போட்டிகளில் ஹெட்-ட்ரிக்;...

2024-06-23 10:11:07
news-image

பங்களாதேஷை வீழ்த்தி உலகக் கிண்ண அரை...

2024-06-23 05:39:40
news-image

ரி20 உலகக் கிண்ண அரை இறுதிச்...

2024-06-22 19:31:12
news-image

விதிகளை நடைமுறைப்படுத்துவதில் ஐ.சி.சி. இரட்டை வேடம்...

2024-06-22 16:33:52
news-image

கண்டி ஒலிம்பிக் தின கொண்டாட்டத்தில் ஆயிரத்துக்கும்...

2024-06-22 16:16:27
news-image

சேஸ் பந்துவீச்சிலும் ஹோப் துடுப்பாட்டத்திலும் அசத்தல்;...

2024-06-22 11:11:48
news-image

மேற்கிந்தியத் தீவுகளை வெள்ளையடிப்புச் செய்த இலங்கை...

2024-06-22 10:19:13
news-image

19 வயதுக்குட்பட்ட இலங்கை அணியின் உதவித்...

2024-06-22 00:37:19
news-image

குவின்டன் டி கொக், டேவிட் மில்லரின்...

2024-06-22 00:06:34
news-image

இணை வரவேற்பு நாடுகள் மேற்கிந்தியத் தீவுகள்...

2024-06-21 21:45:08
news-image

அரை இறுதிக்கான வாய்ப்பை அதிகரிக்கும் முயற்சியுடன்...

2024-06-21 14:03:31