தவறவிடாதீர்கள்..!உடனே பதிவு செய்யுங்கள்

நாட்டில் இடம்பெறும் பாதாள உலக செயற்பாடுகளை ஒடுக்குவதற்காக உருவாக்கப்பட்ட விசேட குழுவினரால் நாடளாவிய ரீதியில் மேற்கொள்ளப்பட்டு வரும் சுற்றிவளைப்புகளில் ஒரு மாத காலப்பகுதிக்குள் பாதாள உலக குழுக்களைச் சேர்ந்த 246 பேர் கைது செய்யப்பட்டுள்ளனர்.  

இதன்போது , பாதாள உலக குழுத் தலைவர்களான குடு அஞ்சுவின் 26 உதவியாளர்களும் அங்கொடை லொக்காவின் 17 உதவியாளர்களும் வாழைத்தோட்டம் தினுக்கவின் 14 உதவியாளர்களும் கணேமுல்ல சஞ்சீவவின் 13 உதவியாளர்களும் கொஸ்கொடை சுஜீவின் 13 உதவியாளர்களும் பொடி லெசியின் 12 உதவியாளர்களும் தெமட்டகொட சமிந்தவின் 10 உதவியாளர்களும் கஞ்சிபனி இப்ரானின் 10 உதவியாளர்களும் கைது செய்யப்பட்டுள்ளனர்.

கைது செய்யப்பட்ட 246 பேரில் 104 பேர் மேலதிக விசாரணைகளுக்காக பொலிஸ் தடுப்பு காவலில் வைக்கப்பட்டுள்ளனர்.

பொலிஸ்மா அதிபர் தேசபந்து தென்னகோன் தலைமையில் கடந்த மார்ச் மாதம் 19 ஆம் திகதி முதல் ஆரம்பிக்கப்பட்ட விசேட சுற்றிவளைப்பு நடவடிக்கைகளின் போதே இவர்கள் கைது செய்யப்பட்டுள்ளனர்.