தவறவிடாதீர்கள்..!உடனே பதிவு செய்யுங்கள்

லுணுகலை பொலிஸ் பிரிவிற்குட்பட்ட ஹொப்டன் தோட்ட , 19 ஆவது மைல்கல் பகுதியில் உள்ள பழைய தொழிற்சாலைப் பிரிவில் மலைப்பாங்கான பிரதேசத்தில் ஓடும் ஆற்றில் மூழ்கி 16 வயது மதிக்கத்தக்க பாடசாலை மாணவரொருவர்  உயிரிழந்துள்ளார்.

இச்சம்பவம் நேற்று வியாழக்கிழமை  (18) மாலைவேளையில் இடம்பெற்றுள்ளதாக லுணுகலை பொலிஸார் தெரிவிக்கின்றனர். 

இச்சம்பவம் தொடர்பாக மேலும் தெரிய வருவதாவது,

குறித்த மாணவனும் அவருடைய நண்பர்கள் இருவரும் ஆற்றில் நீராடிக் கொண்டிருந்த வேளை திடீரென ஏற்பட்ட சுழியில் சிக்குண்டு நீரினுள் இழுத்துச் செல்லப்பட்ட மாணவன் கற்பாறைக்குள் சிக்குண்டு உயிரிழந்துள்ளார். 

மாணவனின் சடலம் அப்பகுதி மக்களால் மீட்கப்பட்டு ஹொப்டன் ஆதார வைத்தியசாலையில்   பிரேத பரிசோதனைக்காக வைக்கப்பட்டுள்ளது. இம்மாணவன் இப்பகுதியில் உள்ள பாடசாலையொன்றில் தரம் 10 இல் கல்வி பயின்று வந்துள்ளார்.  சம்பவம் தொடர்பான மேலதிக விசாரணைகளை லுனுகலை பொலிஸார் மேற்கொண்டு வருகின்றனர்.