தவறவிடாதீர்கள்..!உடனே பதிவு செய்யுங்கள்

கொஸ்கொட, உரகஸ்மன்ஹந்திய மற்றும் அஹுங்கல்ல பொலிஸ் பிரிவுக்கு உட்பட்ட  பிரதேச மக்களை அச்சுறுத்திக் கொள்ளையிட்ட  கும்பலுக்கு தலைமை தாங்கிய சந்தேகத்தின் பேரில்  இரு பெண்களும் இரண்டு இளைஞர்களும் கைது செய்யப்பட்டதாக கொஸ்கொட பொலிஸார் தெரிவித்தனர்.

சந்தேக நபர்களிடமிருந்து போதைப்பொருளும் கைப்பற்றப்பட்டன.   

சந்தேகத்தின் பேரில் கைது செய்யப்பட்ட இரு பெண்களின் அறிவுறுத்தலின் பேரிலேயே இந்தக் கொள்ளைச் சம்பவங்கள் மேற்கொள்ளப்பட்டதாகவும், அவர்கள் வழங்கும் போதைப் பொருளை நுகர்ந்த பின்னரே  இளைஞர் வீடுகளின் கதவுகளை உடைத்தும் ஆயுதங்களைக் காட்டி பயமுறுத்தியும் உள்ளே நுழைந்து கொள்ளையிட்டுள்ளதாகவும் பொலிஸார் தெரிவித்துள்ளனர். 

இவர்களால் ஐந்து வீடுகளில் கொள்ளையடிக்கப்பட்ட  ஐந்து இலட்சம் ரூபாவுக்கும் அதிக பெறுமதியான தங்க நகைகள் மற்றும்  இந்தக் கொள்ளைச் சம்பவங்களுக்குப் பயன்படுத்தப்பட்ட வாள்கள், கத்திகள், கத்திகள், இரும்புக் கம்பிகள், கத்திகள்  உள்ளிட்ட ஆயுதங்களும் கைப்பற்றப்பட்டுள்ளதாக பொலிஸார் தெரிவித்தனர்.