தவறவிடாதீர்கள்..!உடனே பதிவு செய்யுங்கள்

(ஆர்.சேது­ராமன்)

மகளிர் டென்னிஸ் சங்­கத்தின் வருட இறுதி சுற்­றுப்­போட்டி (டபிள்யூ.ரி.ஏ. பைனல்ஸ்) சவூதி அரே­பி­யாவில் நடை­பெ­ற­வுள்­ளது.

2024 முதல் 2026 வரை­யான 3 வரு­டங்­களும் சவூதி அரே­பி­யாவின் றியாத் நகரில் இச்­சுற்­றுப்­போட்டி நடை­பெறும் என தொழிற்சார் மகளிர் டென்னிஸ் சுற்­றுப்­போட்­டி­களை நிர்­வ­கிக்கும் உல­க­ளா­விய அமைப்­பான மகளிர் டென்னிஸ் சங்கம் (டபிள்யூ.ரி.ஏ.) அறி­வித்­துள்­ளது.

இவ்­வ­ருட போட்­டிகள் நவம்பர் 2 முதல் 9 ஆம் திக­தி­வரை நடை­பெறும் எனவும்  இப்­போட்­டி­களில் 15.25 மில்­லியன் அமெ­ரிக்க  டொலர் பணப்­ப­ரிசு வழங்­கப்­படும் எனவும் அறி­விக்­கப்­பட்­டுள்­ளது. இது கடந்த வருட பரி­சு ­தொ­கை­யை­விட 70 சத­வீதம் அதி­க­மாகும்.

சவூதி அரே­பி­யாவில் நடை­பெறும் மிகப் பெரிய டென்னிஸ் சுற்­றுப்­போட்டி இது­வாகும். 

4 கிராண்ட்ஸ்லாம் சுற்­றுப்­போட்­டி­க­ளுக்கு அடுத்­த­தாக மகளிர் டென்­னிஸில் அதிக பரிசுப் பணம் மற்றும் அதிக புள்­ளிகள் வழங்­கப்­படும் முக்­கிய சுற்­றுப்­போட்­டி­யாக மகளிர் டென்னிஸ் சங்­கத்தின் வருட இறுதி சுற்­றுப்­போட்டி (டபிள்யூ.ரி.ஏ. பைனல்ஸ்) விளங்­கு­கி­றது. 

குறித்த வரு­டத்தில் நடை­பெற்ற போட்­டி­களின் புள்­ளிகள்  அடிப்­ப­டையில் உலகின் முன்­னி­லை­யி­லுள்ள 8 ஒற்­றையர் போட்­டி­யா­ளர்­களும் 8 இரட்­டையர் ஜோடி­யி­னரும் இப்­போட்­டி­களில் பங்­கு­பற்­றுவர். 

கடந்த வருடம் மெக்­ஸி­கோவில் நடை­பெற்ற ஒற்­றையர் இறு­திப்­போட்­டியில் போலந்து வீராங்­கனை ஈகா ஸ்வியாடெக் சம்­பி­ய­னானார்.

கடந்த வருடம் 21 வய­துக்­குட்­பட்ட ஆண்­க­ளுக்­கான நெக்ஸ்ட் ஜென் ஏ.ரி.பி. டென்னிஸ் சுற்­றுப்­போட்­டியை சவூதி அரே­பியா நடத்­தி­யி­ருந்­தது. அதுவே அந்­நாட்டில் நடை­பெற்ற முத­லா­வது உத்­தி­யோ­க­பூர்வ சர்­வ­தேச டென்னிஸ் சுற்­றுப்­போட்­டி­யாகும். 

கடந்த டிசெம்பர் மாதம் பெண்­க­ளுக்­கான கண்­காட்சிப் சுற்­றுப்­போட்­டி­யொன்று சவூ­தியில் நடை­பெற்­றது. முன்­னிலை வீராங்­க­னை­க­ளான அரினா சப­லென்கா, ஒன்ஸ் ஜபேர் ஆகி­யோ­ருக்­கி­டை­யி­லான போட்­டியும் இவற்றில் அடங்கும். 

மகளிர் டென்னிஸ் போட்­டி­களை நடத்­து­வது குறித்து சிரேஷ்ட டென்னிஸ் வீராங்­க­னை­க­ளான மார்ட்­டினா நவ­ரத்­தி­லாவா, கிறிஸ் எவர்ட் ஆகியோர் விமர்­சித்­தி­ருந்­தனர். 

"சவூதி அரே­பி­யா­வினால் சுரண்­டப்­ப­டு­வ­தற்­காக பெண்கள் டென்­னிஸை நாம் கட்­டி­யெ­ழுப்­ப­வில்லை" என அவர்கள் கூறினர்.

இக்­க­ருத்து தொடர்பில் கிறிஸ் எவர்ட், நவ­ரத்­தி­லோவா ஆகி­யோரை அமெ­ரிக்­கா­வுக்­கான சவூதி அரே­பிய தூதுவர் இள­வ­ரசி ரீமா பிந்த் பாந்தர் அல் சௌத் மற்றும் டுனீ­ஷிய வீராங்­கனை ஒன்ஸ் ஜபேர் ஆகியோர் விமர்­சித்­தி­ருந்­தனர். 

மனித உரிமை மீறல்கள், பெண்கள் மீதான கட்­டுப்­பா­டுகள் போன்­ற­வற்றை மறைப்­ப­தற்கு விளை­யாட்­டுத்­து­றையை சவூதி அரே­பியா பயன்­ப­டுத்­து­வ­தாக குற்­றச்­சாட்­டுகள் உள்­ளன. 

ஆனால், "போட்­டி­களை நடத்­து­வ­தற்கு றியாத் நகரை தெரிவு செய்­ததன்  மூலம், அப்­பி­ராந்­தி­யத்தில் இடம்­பெறும் குறிப்­பி­டத்­தக்க மாற்­றங்­க­ளுக்கு எமது ஆத­ரவை தெரி­விக்­கிறோம்" என மகளிர் டென்னிஸ் சங்­கத்தின் பிர­தம நிறை­வேற்று அதி­காரி ஸ்டீவ் சைமன் கூறி­யுள்ளார்.

 "மகளிர் டென்னிஸ் சங்­கத்தின் வருட இறுதி சுற்­றுப்­போட்­டி­யா­னது விளை­யாட்­டுக்கு அப்­பாலும், குறிப்­பாக எமது சிறு­மிகள், பெண்­க­ளுக்கு உந்­து­தலை ஏற்­ப­டுத்தும் சக்­தியைக் கொண்டது.

இந்தளவிலான மகளிர் சுற்றுப்போட்டியொன்றை நடத்துவது சவூதி அரேபியாவில் டென்னிஸ் துறைக்கு ஒரு தீர்க்கமான தருணமாகும்' என சவூதி அரேபிய விளையாட்டுத்துறை அமைச்சர் இளவரசர் அப்துல்அஸீஸ் பின் துர்கி அல் பையால் அல் சௌத் தெரிவித்துள்ளார்.