தவறவிடாதீர்கள்..!உடனே பதிவு செய்யுங்கள்

கொரியாவுக்கு அனுப்புவதாக கூறி 30 இலட்சம் ரூபா பண மோசடி செய்த குற்றச்சாட்டில் கைது செய்யப்பட்ட நடிகை தமிதா அபேரத்ன மற்றும் அவரது கணவரை எதிர்வரும் 17 ஆம் திகதி வரை விளக்கமறியலில் வைக்க கோட்டை நீதிமன்றம் உத்தரவிட்டுள்ளது.

குற்றப் புலனாய்வுப் பிரிவினரால் நேற்று வியாழக்கிழமை (04) பிற்பகல் கைது செய்யப்பட்ட இவர்கள் இருவரும் இன்று (05) பிற்பகல் நீதிமன்றில் ஆஜர்படுத்தப்பட்டனர்.

தமிதா அபேரத்னவையும் அவரது கணவரையும் எதிர்வரும் 17 ஆம் திகதி வரை விளக்கமறியலில் வைக்குமாறு நீதவான் உத்தரவிட்டுள்ளார்.

தமிதா அபேரத்ன மற்றும் அவரது கணவர் வெளிநாட்டில் வேலை வாங்கித் தருவதாகக் கூறி பணத்தை மோசடி செய்த வழக்கில் குற்றம் சாட்டப்பட்ட நிலையில் கைது செய்யப்பட்டிருந்தனர்.

நடிகை தமிதா அபேரத்ன மற்றும் அவரது கணவர் ஆகியோர் கைதுசெய்யப்படுவதை தடுக்கும் இடைக்கால தடை உத்தரவை பிறப்பிக்கக்கோரி நீதிமன்றத்துக்கு வழங்கப்பட்ட மனு நிராகரிக்கப்பட்டதையடுத்து, அவர்கள் இருவரும் நேற்று (4) மாலை குற்றப் புலனாய்வுப் பிரிவினரால் கைது செய்யப்பட்டமை குறிப்பிடத்தக்கது.