தவறவிடாதீர்கள்..!உடனே பதிவு செய்யுங்கள்

'போர் தொழில்', 'ப்ளூ ஸ்டார்' என வரிசையாக வெற்றி படங்களை வழங்கிய நடிகர் அசோக் செல்வன் கதையின் நாயகனாக நடித்திருக்கும் 'பொன் ஒன்று கண்டேன்' எனும் திரைப்படம் படமாளிகைகளில் வெளியாகாமல் நேரடியாக தொலைக்காட்சியில் வெளியாகிறது.

'கண்ட நாள் முதல்' எனும் திரைப்படத்தை இயக்கிய இயக்குநர் வி. பிரியா இயக்கத்தில் உருவாகி இருக்கும் 'பொன் ஒன்று கண்டேன்' எனும் திரைப்படத்தில் அசோக் செல்வன், வசந்த் ரவி, ஐஸ்வர்யா லட்சுமி ஆகியோர் முதன்மையான கதாபாத்திரங்களில் நடித்திருக்கிறார்கள்.

ஏ. டி. பஹத் ஒளிப்பதிவு செய்திருக்கும் இந்த திரைப்படத்திற்கு யுவன் சங்கர் ராஜா இசையமைத்திருக்கிறார். இந்த திரைப்படத்தை ஜியோ ஸ்டுடியோஸ் வழங்குகிறது.

மேலும் இந்த திரைப்படத்தை ஒய் எஸ் ஆர் ஃபிலிம் புரொடக்ஷன் பட நிறுவனம் சார்பில் தயாரிப்பாளர்கள் ஜோதி தேஷ் பாண்டே மற்றும் யுவன் சங்கர் ராஜா ஆகியோர் இணைந்து தயாரித்திருக்கிறார்கள்.

இந்தப் படத்தின் கேரக்டர் லுக் போஸ்டர்ஸ், சிங்கிள் ட்ராக் ஆகியவை வெளியாகி இருக்கிறது. இந்நிலையில் இந்தத் திரைப்படம் எதிர்வரும் 14 ஆம் திகதியன்று தமிழ் புத்தாண்டு தின சிறப்பு திரைப்படமாக கலர்ஸ் ரிவியில் ஒளிபரப்பாகிறது.

தமிழ் திரையுலகின் முன்னணி நட்சத்திர நடிகர் ஒருவரின் திரைப்படம் படமாளிகையில் வெளியாகாமல் நேரடியாக தொலைக்காட்சியில் வெளியாவது ரசிகர்களுக்கு அதிர்ச்சி அளித்தாலும், ஏப்ரல் 14 படம் தொலைக்காட்சியில் வெளியான பிறகு இதை ஜியோ சினிமாவில் இலவசமாக பார்வையிடும் வாய்ப்பு கிடைக்கும் என்றும் எதிர்பார்க்கப்படுகிறது.