தவறவிடாதீர்கள்..!உடனே பதிவு செய்யுங்கள்

ருவன்வெல்ல, குடாகம பிரதேசத்தில் நேற்று சனிக்கிழமை (30)  இரவு சகோதரர்களுக்கிடையில் இடம்பெற்ற வாக்குவாதம்  முற்றியதில்  தனது சகோதரனின் கழுத்தை அறுத்து தம்பி  கொலை செய்துள்ளதாக பொலிஸார் தெரிவித்தனர்.

குடாகம, அமித்திரிகல பிரதேசத்தைச் சேர்ந்த 42 வயதுடையவரே சம்பவத்தில் உயிரிழந்துள்ளதுடன் கொலையுடன் தொடர்புடைய 40 வயதுடைய தம்பி பொலிஸாரால் கைது செய்யப்பட்டுள்ளார் .   

இருவருக்கும் இடையில்   ஏற்பட்ட வாக்குவாதத்தின் காரணமாகத் தம்பி கூரிய ஆயுதத்தால் தனது  சகோதரனின் கழுத்தை அறுத்து கொலை செய்ததுள்ளதாக விசாரணையில் தெரியவந்துள்ளது . 

இந்தக் கொலைச் சம்பவம்  தொடர்பில் ருவன்வெல்ல பொலிஸார் மேலதிக விசாரணைகளை  மேற்கொண்டு வருகின்றனர் .