தவறவிடாதீர்கள்..!உடனே பதிவு செய்யுங்கள்

மத்திய மாகாணத்தில் முதல் சப்ததள 108 அடி இராஜகோபுர பிள்ளையார் ஆலயமான அட்டன் ஸ்ரீ மாணிக்கப்பிள்ளையார் தேவஸ்தான கும்பாபிஷேக நிகழ்வு இன்று (25) காலை ஆயிரக்கணக்கான பக்தர்கள் பங்குபற்றுதலோடு மிகவும் சிறப்பாக நடைபெற்றது.

இந்த ஆலயத்தின் ஐந்தாவது கும்பாபிஷேக நிகழ்வே இன்று காலை 9.25 மணியளவில் நடைபெற்றது. 

காலை 6.30 மணிக்கு மங்கல கணபதி பூஜை வழிபாடுகளைத் தொடர்ந்து, காலை 9.25 முதல் 10.37 மணி வரையுள்ள சுபமுகூர்த்த வேளையில் அடியார்கள் அரோஹரா கூற, விண்ணதிர வேதம் ஓத, மங்கல வாத்தியம் ஒலிக்க நூதன சப்ததள 108 அடி புதிய இராஜகோபுர ஸ்தூபி விமான அபிஷேகம் மற்றும் கும்ப வீதிப் பிரதட்சணம், மூல ஆலயப் பிரவேசம், ஆவாஹனம், மூர்த்த தானம், மஹா கும்பாபிஷேகம் இடம்பெற்று, தசமங்கல தரிசனம், எஜமான் அபிஷேகம், ஆசிர்வாதம், குருமார் சம்பாவன கெளரவிப்பு, விசேட பூஜைகள் நிகழ்த்தப்பட்டன.