தவறவிடாதீர்கள்..!உடனே பதிவு செய்யுங்கள்

பல்கேரிய நாட்டு போலிக் கடவுச்சீட்டை பயன்படுத்தி ஜப்பான் செல்ல முயன்ற 41 வயதுடைய ஈரானியப் பிரஜை ஒருவர் கட்டுநாயக்க விமான நிலையத்தில் வைத்து குடிவரவு, குடியகல்வு திணைக்கள அதிகாரிகயால் கைது செய்யப்பட்டுள்ளார்.

வெள்ளிக்கிழமை (22) இரவு கட்டாரிலிருந்து வருகை தந்த ஈரானியர்  ஜப்பான்  நாட்டிற்கு  புறப்படும் விமானத்தில் ஏறுவதற்காக அவரது  ஆவணங்களை கட்டுநாயக்க விமான நிலைய அதிகாரிகளிடம் சமர்ப்பித்துள்ளார். 

அவருடைய ஆவணங்கள் சந்தேகத்தை ஏற்படுத்தியதால் குடிவரவு, குடியகழ்வு திணைக்கள அதிகாரிகளிடம் ஒப்படைக்க ஸ்ரீலங்கன் விமான சேவை அதிகாரிகள் நடவடிக்கை எடுத்துள்ளனர்.

அத்துடன் , அவரது பயணப்பொதிகளை சோதனையிட்ட போது போலியான  கடவுச்சீட்டுகளும் போலி முத்திரைகளும் கைப்பற்றப்பட்டுள்ளன..

பின்னர், இந்த ஈரானிய பிரஜையை கைது செய்த குடிவரவு, குடியகல்வு திணைக்கள அதிகாரிகள், அவரை நாடு கடத்துவதற்காக கட்டுநாயக்க விமான நிலையத்திற்கு வந்த கட்டார் அதிகாரிகளிடம் ஒப்படைத்தனர்.