தவறவிடாதீர்கள்..!உடனே பதிவு செய்யுங்கள்

கண்டி, அஸ்கிரியவில் உள்ள பாடசாலையொன்றில் நேற்று வெள்ளிக்கிழமை (22) ஐந்தாம் தரத்தில் கல்வி கற்கும் இரு மாணவர்கள் மீது மின்விசிறி வீழ்ந்த சம்பவம் ஒன்று இடம்பெற்றுள்ளது.

சம்பவத்தில் காயமடைந்த இரு மாணவர்கள்  கண்டி பொது வைத்தியசாலையில் அனுமதிக்கப்பட்டுள்ளனர்.

ஒரு மாணவனுக்கு கண்ணிலும், மற்றைய மாணவனுக்கு  தலையிலும் காயம் ஏற்பட்டுள்ளதாக  வைத்தியசாலை வட்டாரங்கள் தெரிவிக்கின்றன.

இந்நிலையில், கடந்த சில நாட்களாகவே மின்விசிறி மின் வயரில் சிக்கிய நிலையிலேயே சுழன்றதாகவும், இது குறித்து பாடசாலை நிர்வாகத்திடம் கூறியும்  சரி செய்ய எவரும் நடவடிக்கை எடுக்கவில்லை என  பெற்றோர்கள் தெரிவித்துள்ளமை குறிப்பிடத்தக்கது.