தவறவிடாதீர்கள்..!உடனே பதிவு செய்யுங்கள்

கடந்த ஆண்டில் 'போர் தொழில்' என்ற வணிகரீதியான வெற்றி படத்தையும், இந்த ஆண்டில் 'ப்ளூ ஸ்டார்' என்ற விமர்சன ரீதியான வெற்றி படத்தையும் அளித்து, தமிழ் திரையுலகின் நம்பிக்கைக்குரிய முன்னணி நட்சத்திர நடிகராக உயர்ந்து வரும் அசோக் செல்வன் நடிப்பில் தயாராகும் புதிய திரைப்படத்திற்கு, 'எனக்குத் தொழில் ரொமான்ஸ்' என பெயரிடப்பட்டு, அதன் ஃபர்ஸ்ட் லுக் வெளியிடப்பட்டிருக்கிறது.

இயக்குநர் பாலாஜி கேசவன் இயக்கத்தில் உருவாகி வரும் 'எனக்குத் தொழில் ரொமான்ஸ்' எனும் திரைப்படத்தில் அசோக் செல்வன், அவந்திகா மிஸ்ரா, எம். எஸ். பாஸ்கர், ஊர்வசி உள்ளிட்ட பலர் நடித்திருக்கிறார்கள்.

எம். சி. கணேஷ் ராகவேந்திரா ஒளிப்பதிவு செய்திருக்கும் இந்த திரைப்படத்திற்கு நிவாஸ் கே. பிரசன்னா இசையமைக்கிறார்.

காதலை மையப்படுத்திய இந்த திரைப்படத்தை டி கிரியேஷன்ஸ் எனும் பட நிறுவனம் சார்பில் தயாரிப்பாளர் எம். திருமலை தயாரித்திருக்கிறார்.

இப்படத்தில் படப்பிடிப்பு பணிகள் நிறைவடைந்து இறுதி கட்ட பணிகள் நடைபெற்று வருவதாக படக்குழுவினர் தெரிவித்திருக்கிறார்கள். இந்நிலையில் படத்தின் ஃபர்ஸ்ட் லுக் வெளியிடப்பட்டிருக்கிறது. காதலை நம்பி இருக்கும் இந்த பட குழுவினருக்கு ரசிகர்கள் ஆதரவு தருவார்களா? இல்லையா? என்பதை பொறுத்திருந்து பார்க்க வேண்டும்.