தவறவிடாதீர்கள்..!உடனே பதிவு செய்யுங்கள்

“எங்கள கோயிலுக்கு போக விடுங்கோ, எங்கட கோயில்ல வருசத்தில ஒருநாள் நிம்மதியாய் கும்பிட விடுங்கோ, நாங்கள் உங்களிட்ட நாட்டையா கேட்டம், ஒருநேரம் கும்பிடத்தானே கேட்டம்” என்றவாறு கூட்டாக குரல் எழுப்பினர். பொலிஸார் நடப்பவற்றை அவதானித்துக்கொண்டிருக்கின்றனர். அதில் ஒருவர் மேற்கண்ட கூற்றுக்கள் உட்பட அனைத்து விடயங்களையும் விரைந்து மொழியெர்த்துக்கொண்டிருக்கின்றார். மற்றொருவர் அனைத்தையும் காணொளியாக பதிவு செய்யும் செயற்பாடுகளில் ஈடுபடுகின்றார். இந்தச் சந்தர்ப்பத்தில் ஆலய பூசகரும் அவரது உதவியாளரும் மோட்டார் சைக்கிளில் வருகை தருகின்றனர். அவர்கள் தடுத்து நிறுத்தப்பட்டு மோட்டார் சைக்கிள் செல்வதற்கு அனுமதிக்க முடியாது என்று பொலிஸார் குறிப்பிடுகின்றனர். பொலிஸார் உத்தரவால் சினமடைந்த பூசகர், “நீங்கள் நாட்டைக் காப்பதற்காக இருப்பவர்கள் அல்லர். நாட்டை கெடுப்பதற்காக இருப்பவாகள். நீங்கள் அழிந்து தான் போகப்போகின்றீர்கள். உங்களுடைய தேரர்கள் போன்று நானும் சாபமிடுகின்றேன்” என்று தனது ஆதங்கத்தை வெளிப்படுத்துகின்றார்.