தவறவிடாதீர்கள்..!உடனே பதிவு செய்யுங்கள்

மாணவர் மத்தியில் கடற்புல்லின் முக்கியத்துவத்தை எடுத்துக்காட்டும் வகையில் யா/அராலி சரஸ்வதி இந்து கல்லூரியில் தரம் 10, 11இல் நீருயிரின வளத் தொழில்நுட்பவியல் பாடம் கற்கும் மாணவர்களிடையே கடற்புல் தொடர்பான அறிவுக் களஞ்சியப் போட்டி நடத்தப்பட்டு, அதில் வெற்றி பெற்ற மாணவர்களுக்கு பரிசுகளும் சான்றிதழ்களும் சர்வதேச கடற்புல் தினமான இன்று (மார்ச் 01) வழங்கப்பட்டது. 

இந்நிகழ்வு கல்லூரியின் பிரதான மண்டபத்தில் அதிபர் கு.பாலமுருகன் தலைமையில் நடைபெற்றது.

இதில் பிரதம விருந்தினராக கரையோரப் பாதுகாப்பு மற்றும் கரையோர வளங்கள் முகாமைத்துவ திணைக்களத்தின் பிராந்திய பொறியியலாளர் எந்திரி ஜீ.தர்சன் கலந்துகொண்டார். 

அத்துடன், Clean Ocean Force அமைப்பின் வட மாகாண பிரதிநிதி ம.சசிகரன், வலிகாமம் கல்வி வலய தொழில்நுட்ப பாட ஆசிரிய ஆலோசகர் ப.அருந்தவம் மற்றும் நாடகமும் அரங்கியலும் பாட ஆசிரிய ஆலோசகர் விஜயநாதன் ஆகியோர் இந்த நிகழ்வில் பங்கேற்றனர்.

அராலி இந்து கல்லூரி நீருயிரின வளத் தொழில்நுட்ப கழகம் இந்நிகழ்வை ஒழுங்குபடுத்தியிருந்தது. Clean Ocean Force அமைப்பு இதற்கான அனுசரணையை வழங்கியமை குறிப்பிடத்தக்கது.