தவறவிடாதீர்கள்..!உடனே பதிவு செய்யுங்கள்

நடிகர் நாசர் முதன்மையான வேடத்தில் நடித்திருக்கும் 'அக்காலி' எனும் திரைப்படத்தின் ஃபர்ஸ்ட் லுக் வெளியிடப்பட்டிருக்கிறது. இதனை 'மக்கள் செல்வன்' விஜய் சேதுபதி வெளியிட்டு, படக் குழுவினருக்கு வாழ்த்து தெரிவித்திருக்கிறார்.

இயக்குநர் முஹம்மத் ஆசிப் ஹமீது இயக்கத்தில் உருவாகி இருக்கும் 'அக்காலி' எனும் திரைப்படத்தில் நடிகர்கள் நாசர், வினோத் கிஷன், அர்ஜய் உள்ளிட்ட பலர் நடித்திருக்கிறார்கள். கிரி மர்பி ஒளிப்பதிவு செய்திருக்கும் இந்த திரைப்படத்திற்கு அனீஸ் மோகன் இசையமைத்திருக்கிறார். மிஸ்டரி திரில்லர் ஜேனரில் தயாராகி இருக்கும் இந்த திரைப்படத்தை பி பி எஸ் புரொடக்ஷன்ஸ் பட நிறுவனம் சார்பில் தயாரிப்பாளர் பி யூகேஸ்வரன் தயாரித்திருக்கிறார்.

இப்படத்தின் படப்பிடிப்பு பணிகள் நிறைவடைந்து இறுதி கட்டப் பணிகள் விறுவிறுப்பாக நடைபெற்று வருகிறது. இந்நிலையில் இப்படத்தின் ஃபர்ஸ்ட் லுக் வெளியிடப்பட்டிருக்கிறது. இதில் 'தீமையை தேடுகிறவன் அதை நிச்சயமாக அடைவான்' என்ற வாசகமும், படத்தின் டைட்டிலுடன் 'சாவற்றவன்' என்ற டேக்லைனும் இணைக்கப்பட்டிருப்பதால் படத்தைப் பற்றிய எதிர்பார்ப்பு ரசிகர்களிடத்தில் எழுந்திருக்கிறது.