'ஜோஷ்வா' படத்தில் சண்டை காட்சிகள் அதிகமா..!?

23 Feb, 2024 | 10:03 PM
image

எதிர்வரும் மார்ச் மாதம் ஒன்றாம் திகதியன்று உலகம் முழுவதும் பட மாளிகைகளில் வெளியாகும் கௌதம் வாசுதேவ் மேனன் இயக்கத்தில் வருண் நடிக்கும் 'ஜோஷ்வா இமைப்போல் காக்க' படத்தில் சண்டைக் காட்சிகள் அதிகம் என படக் குழுவினர் தெரிவித்திருக்கிறார்கள்.

கௌதம் வாசுதேவ் மேனன் - தமிழ் திரையுலகில் காதலை சொல்வதாக இருந்தாலும்... எக்சன் காட்சிகளாக இருந்தாலும். அவருடைய ஸ்டைலீஷான மேக்கிங் ரசிகர்களிடத்தில் பிரபலம். இதன் காரணமாகவே இவரது இயக்கத்தில் உருவாகி வெளியாகும் படத்திற்கு பெரும் எதிர்பார்ப்பு எப்போதும் இருக்கிறது. 'வெந்து தணிந்தது காடு' என்ற படம் வெளியான பிறகு ஓராண்டு கழித்து கௌதம் வாசுதேவ் மேனன் இயக்கத்தில் வெளியாகும் திரைப்படம் 'ஜோஷ்வா இமைப்போல் காக்க'. இதில் வருண், ராஹீ, கிருஷ்ணா யோகி பாபு, மன்சூர் அலிகான், விசித்ரா, திவ்யதர்ஷினி உள்ளிட்ட பலர் நடித்திருக்கிறார்கள். எஸ. ஆர். கதிர் ஒளிப்பதிவு செய்திருக்கும் இந்த திரைப்படத்திற்கு பின்னணி பாடகர் கார்த்திக் இசையமைத்திருக்கிறார். எக்சன் என்டர்டெய்னராக தயாராகி இருக்கும் இந்த திரைப்படத்தை வேல்ஸ் ஃபிலிம் இன்டர்நேஷனல் நிறுவனம் சார்பில் பிரபல தயாரிப்பாளர் ஐசரி கே கணேஷ் தயாரித்திருக்கிறார்.

இந்தப் படத்தை விளம்பரப்படுத்தும் நிகழ்வு சென்னையில் நடைபெற்றது. இதன்போது இயக்குநர் கௌதம் வாசுதேவ் மேனன், நடிகர் வருண், தயாரிப்பாளர் ஐசரி கே. கணேஷ் ஆகியோர் பங்கு பற்றினர்.

இதன் போது தயாரிப்பாளர் ஐசரி கே. கணேஷ் பேசுகையில், '' கௌதம் வாசுதேவ் மேனன் படங்களை நான் விரும்பி பார்ப்பதுண்டு. வருணை அவரிடம் அறிமுகப்படுத்திய போது.., 'சொக்லேட் பாயாக இருக்கிறார். அதனால் காதல் கதை ஒன்றில் நடிக்க வைக்கலாம்' என்றார். பிறகு, 'ஒரு எக்ஸ்பிரிமெண்டல் முயற்சியை வருணை வைத்து செய்தால். சிறப்பாக வரும் என நம்புகிறேன்' என்றார். அப்போது அவரிடம், 'வருணை உங்களிடம் ஒப்படைத்து விட்டேன். அவனை ஒரு நட்சத்திர நடிகர் எனும் உயரத்துக்கு அழைத்துச் செல்லுங்கள்' என்ற எனது விருப்பத்தையும் தெரிவித்தேன். அதன் பிறகு 'ஜோஷ்வா இமைப்போல் காக்க' படத்தின் கதையை சொன்னார். அத்துடன் ஹொலிவுட் சண்டை பயிற்சி கலைஞரான யானிக் பென்னுடன் இணைந்து பணியாற்ற வேண்டும் என்றார். 

அதற்கும் சம்மதம் தெரிவித்தேன். தற்போது இந்த படத்தை பார்த்தேன். படம் ஹொலிவுட் படம் போல் உருவாகி இருக்கிறது. படத்தில் பத்து சண்டை காட்சிகள் இருக்கிறது. ஒவ்வொன்றும் ஒவ்வொரு வகையில் சிறப்பாக அமைந்திருக்கிறது. நடிகர் கிருஷ்ணா இந்த படத்தில் வில்லனாக நடித்திருக்கிறார். இந்த படத்தில் காதலும் இருக்கிறது. எக்சனும் இருக்கிறது. கொமர்ஷலாகவும் இருக்கிறது. இப்போதைய இளைய தலைமுறையினருக்கு இந்த படம் மிகவும் பிடிக்கும். கடந்த மாதம் வெளியிட்ட 'சிங்கப்பூர் சலூன்' எங்கள் நிறுவனத்திற்கு சிறிய அளவில் லாபத்தை பெற்று தந்தது. அதேபோல் இந்த மாதம் வெளியாகும் 'ஜோஷ்வா இமைப்போல் காக்க' படமும் ரசிகர்களிடம் வரவேற்பை பெற்று, லாபத்தை தரும் என நம்புகிறேன்'' என்றார்.

முக்கிய செய்திகள்

icon-left
icon-right

தொடர்பான செய்திகள்

news-image

புதிய முயற்சியாக முதலில் இரண்டாம் பாகத்தை...

2024-04-18 17:34:41
news-image

சாதிய அரசியலை அலசும் அண்ட்ரியாவின் 'மனுசி'

2024-04-18 17:31:38
news-image

நடிகர் மன்சூர் அலிகான் வைத்தியசாலையில் அனுமதி...

2024-04-18 13:17:36
news-image

சுப்பர் ஸ்டார் ரஜினியின் பாராட்டைப் பெற்ற...

2024-04-17 17:43:13
news-image

இயக்குநர் ஷங்கரின் இல்ல திருமண வரவேற்பில்...

2024-04-17 17:37:23
news-image

சீயான் விக்ரம் நடிக்கும் 'தங்கலான்' திரைப்படத்தின்...

2024-04-17 17:39:11
news-image

வல்லவன் வகுத்ததடா - விமர்சனம்

2024-04-17 17:39:57
news-image

மோகன் நடிக்கும் 'ஹரா' படத்தின் டீசர்...

2024-04-16 17:39:18
news-image

கெட்ட வார்த்தைகளை பேசி ரசிகர்களை வசப்படுத்தி...

2024-04-16 17:43:10
news-image

தமிழர்களின் பாரம்பரிய கலைக்கு ஆதரவளிக்கும் ராகவா...

2024-04-16 17:45:02
news-image

டிஜிட்டல் தள ரசிகர்களின் வரவேற்பை பெறுமா...

2024-04-16 17:45:54
news-image

மே மாதத்தில் வெளியாகும் வரலட்சுமி சரத்குமாரின்...

2024-04-16 17:41:35