தவறவிடாதீர்கள்..!உடனே பதிவு செய்யுங்கள்

'பார்க்கிங்' படத்தின் மூலம் தமிழ் திரையுலகில் சந்தை மதிப்பு கொண்ட நட்சத்திர நடிகராக உயர்ந்திருக்கும் ஹரிஷ் கல்யாண் கதையின் நாயகனாக நடித்திருக்கும் 'லப்பர் பந்து' படத்தில் இடம்பெற்ற 'ஆச உறவே..' எனும் பாடலையும், பாடலுக்கான லிரிக்கல் வீடியோவையும் படக்குழுவினர் வெளியிட்டுள்ளனர்.

இயக்குநர் தமிழரசன் பச்சமுத்து இயக்கத்தில் உருவாகி இருக்கும் 'லப்பர் பந்து' எனும் திரைப்படத்தில் ஹரிஷ் கல்யாண், 'அட்டக்கத்தி' தினேஷ், சுவாசிகா, சஞ்சனா கிருஷ்ணமூர்த்தி உள்ளிட்ட பலர் நடித்திருக்கிறார்கள். தினேஷ் புருஷோத்தமன் ஒளிப்பதிவு செய்திருக்கும் இந்த திரைப்படத்திற்கு ஷான் ரோல்டன் இசையமைத்திருக்கிறார். எளிய மக்களின் வாழ்வியலை மையப்படுத்தி தயாராகி இருக்கும் இந்த திரைப்படத்தை பிரின்ஸ் பிக்சர்ஸ் பட நிறுவனம் சார்பில் தயாரிப்பாளர் லட்சுமணன் தயாரித்திருக்கிறார்.

இப்படத்தின் இறுதி கட்டப் பணிகள் விறுவிறுப்பாக நடைபெற்று வருகிறது. இந்நிலையில் படத்தில் இடம்பெற்ற 'என்ன விட்டு போவேன்னு தான் நானு  நெனைக்கல..' என தொடங்கும் பாடலும், பாடலுக்கான லிரிக்கல் வீடியோவும் வெளியாகி இருக்கிறது. இந்தப் பாடலை பாடலாசிரியர் மோகன் ராஜன் எழுத இசையமைப்பாளரான ஷான் ரோல்டன் பாடியிருக்கிறார். சோகப் பாடலாகவும், மெல்லிசையாகவும் உருவாகி இருக்கும் இந்த பாடலில் ஷான் ரோல்டனின் குரல் ரசிகர்களை வெகுவாக கவர்ந்திருக்கிறது.