தவறவிடாதீர்கள்..!உடனே பதிவு செய்யுங்கள்

இலங்கை தமிழ் கலைத்துறையில் மேடை நாடகத்தில் தொடங்கி உள்நாட்டு திரைப்படங்கள் மற்றும் தென்னிந்திய திரைப்படங்களில் முத்திரை பதித்த பிரபல கலைஞர் கலைவேந்தன் ஸ்ரீசங்கரின் 44ஆவது நினைவாஞ்சலி கூட்டம் நாளை மறுதினம் ஞாயிற்றுக்கிழமை (25) மாலை 4 மணிக்கு கொழும்பு பழைய நகரசபை மண்டபத்தில் நடைபெறவுள்ளது. 

அன்னாரின் நினைவாக இந்த நிகழ்ச்சியை கடந்த 44 ஆண்டுகளாக அவரது கலையுலக வாரிசு கலைஞர் சண்முகராஜா நடத்தி வருகிறார். 

நம் நாட்டு கலைஞர்களின் திறமைகளை தென்னிந்திய கலைஞர்களும் அறியும் வகையில்  நடிகர் திலகம் சிவாஜி கணேசன் நடித்த 'ராஜராஜசோழன்' திரைப்படத்தில் அவருடன் இணைந்து நடித்து, இலங்கைக்கும் தென்னிந்தியாவுக்கும் இடையில் கலைப்பாலம் அமைத்தவர் கலைவேந்தன் ஸ்ரீசங்கர் என்பது குறிப்பிடத்தக்கது.