தவறவிடாதீர்கள்..!உடனே பதிவு செய்யுங்கள்

கொழும்பு, முகத்துவாரம்  பகுதியில் நபரொருவரை  கொலை செய்ய முயற்சித்த சம்பவம் தொடர்பில் இரண்டு சந்தேக நபர்களை பொலிஸார் கைது செய்துள்ளனர்.

இம்மாதம் 16 ஆம் திகதி  மோட்டார் சைக்கிளில் சென்ற இனந்தெரியாத இருவர் நபரொருவர் மீது துப்பாக்கிச் சூடு நடத்தியுள்ளனர்.

அதன்படி, இந்தச் சம்பவத்துக்கு  உதவியதாக 16 மற்றும் 21 வயதுடைய இரண்டு சந்தேக நபர்கள் கைது செய்யப்பட்டுள்ளனர்.

இவர்கள்  கொழும்பு 15,  பெர்குசன் வீதியிலும்  சேதவத்தை பிரதேசத்திலும் வைத்து கொழும்பு குற்றத்தடுப்பு பிரிவு   அதிகாரிகளினால் கைது செய்யப்பட்டுள்ளனர். கைதான இருவரும் கொழும்பு 15 இல் வசிப்பவர்கள் என அடையாளம் காணப்பட்டுள்ளனர்.

இந்த கொலை முயற்சி தொடர்பான மேலதிக விசாரணைகளை முகத்துவாரம் பொலிஸார் மற்றும் கொழும்பு குற்றத்தடுப்பு பிரிவினர் மேற்கொண்டு வருகின்றனர்.