தவறவிடாதீர்கள்..!உடனே பதிவு செய்யுங்கள்

புதுமுக நடிகர் எஸ். பி. சித்தார்த் கதையின் நாயகனாக நடித்திருக்கும் 'அதோமுகம்' எனும் திரைப்படத்தின் முன்னோட்டம் வெளியிடப்பட்டிருக்கிறது.‌

இயக்குநர் சுனில் தேவ் இயக்கத்தில் உருவாகி இருக்கும் 'அதோமுகம்' படத்தில் எஸ்.பி. சித்தார்த், சைதன்யா பிரதாப், சரித்திரன், ஜே. எஸ். கவி, ஆனந்த் நாக், பர்வேஸ் முஷாரப், அக்ஷதா அஜித் ஆகியோர் நடித்திருக்கிறார்கள். இவர்களுடன் தயாரிப்பாளரும், நடிகருமான அருண்பாண்டியன் சிறப்பு தோற்றத்தில் நடித்திருக்கிறார். 

அருண் விஜயகுமார் ஒளிப்பதிவு செய்திருக்கும் இந்த திரைப்படத்திற்கு மணிகண்டன் முரளி மற்றும் சரண் ராகவன் ஆகியோர் இணைந்து இசையமைத்திருக்கிறார்கள். தகவல் தொழில்நுட்பத்தை பின்னணியாக கொண்டு தயாராகி இருக்கும் இந்த திரைப்படத்தை ரீல் பெட்டி எனும் நிறுவனம் தயாரித்திருக்கிறது.

எதிர்வரும் மார்ச் மாதம் முதல் திகதியன்று உலகம் முழுவதும் பட மாளிகையில் வெளியாகவிருக்கும் இத்திரைப்படத்தின் முன்னோட்டம் வெளியிடப்பட்டிருக்கிறது.

இதில் கதையின் நாயகனான எஸ். பி. சித்தார்த் தன்னுடைய நண்பனின் ஆலோசனையால், தன் காதலியின் செல்போனில் உளவு பார்க்கும் மென்பொருளை பதிவிறக்கம் செய்கிறார். இதன் மூலம் காதலியின் நடவடிக்கையை கண்காணித்து.. தன் மன அமைதியை தொலைக்கிறான். அதன் பிறகு அவன் எடுக்கும் முடிவு என்ன? என்பதுதான் இப்படத்தில் கதையாக இருக்கும் என யூகிக்க முடிகிறது. இதனையொட்டியே படத்தின் முன்னோட்டமும் இடம்பெற்றிருக்கிறது.‌ இதனால் இந்தத் திரைப்படத்திற்கும் ரசிகர்களிடம் வரவேற்பு கிடைக்கும் என அவதானிக்கப்படுகிறது.