தவறவிடாதீர்கள்..!உடனே பதிவு செய்யுங்கள்

சிவகார்த்திகேயன் நடிப்பில் தயாராகி வரும் 'அமரன்' படத்தின் செகண்ட் லுக் போஸ்டர் வெளியிடப்பட்டிருக்கிறது.‌

இயக்குநர் ராஜ்குமார் பெரியசாமி இயக்கத்தில் உருவாகி வரும் 'அமரன்' திரைப்படத்தில் சிவகார்த்திகேயன் இந்திய ராணுவ அதிகாரியாக நடித்திருக்கிறார். அவருக்கு ஜோடியாக நடிகை சாய் பல்லவி நடிக்கிறார். 

சி ஹெச் சாய் ஒளிப்பதிவு செய்திருக்கும் இந்த திரைப்படத்திற்கு ஜீ.வி. பிரகாஷ் குமார் இசையமைத்திருக்கிறார். தேசப்பற்று தொடர்பான எக்ஷன் என்டர்டெய்னராக தயாராகும் இந்த திரைப்படத்தை ராஜ்கமல் ஃபிலிம் இன்டர்நேஷனல் மற்றும் சோனி பிக்சர்ஸ் இன்டர்நேஷனல் ஆகிய நிறுவனங்கள் இணைந்து தயாரிக்கிறது.‌

தமிழ், தெலுங்கு, மலையாளம், கன்னடம், ஹிந்தி ஆகிய மொழிகளில் வெளியாகிறது. இந்திய இராணுவத்தில் பணியாற்றிய மேஜர் முகுந்த் வரதராஜனின் வாழ்க்கை வரலாறு தழுவி தயாராகும் இந்தத் திரைப்படத்தில் சிவகார்த்திகேயன் காஷ்மீர் எல்லைப் பகுதியில் பணியாற்றும் இராணுவ அதிகாரியாக நடித்திருக்கிறார். 

சிவகார்த்திகேயனின் பிறந்த நாளை முன்னிட்டு இப்படத்தின் டைட்டிலும், டைட்டிலுக்கான டீசரும் வெளியிடப்பட்டது. 

இப்படத்தின் செகண்ட் லுக் தற்போது வெளியிடப்பட்டிருக்கிறது. இதில் சிவகார்த்திகேயன் இராணுவ வாகனத்தில் கம்பீரமாக இராணுவ சீருடையுடன் அமர்ந்திருப்பது போல் வடிவமைக்கப்பட்டிருப்பதால் ரசிகர்களின் பாராட்டை பெற்றிருக்கிறது.