தவறவிடாதீர்கள்..!உடனே பதிவு செய்யுங்கள்

பேராதனை பல்கலைக்கழக மாணவர்களை இலக்கு வைத்து கெலிஓய நகரில் இயங்கிய மசாஜ் நிலையம் ஒன்று சுற்றிவளைக்கப்பட்டதாக பேராதனை பொலிஸார் தெரிவித்தனர்.

ஆயுர்வேத திணைக்களத்தினதும் மாகாண உள்ளுராட்சிமன்ற நிறுவனத்தினதும் அனுமதியின்றி இயங்கிய இந்த மசாஜ்  நிலையத்தை சுற்றிளைத்த போது அங்கிருந்த பல்கலை மாணவர்கள் சிலர் தப்பியோடியதாக பேராதனை பொலிஸார் தெரிவித்தனர்.

இந்நிலையில்,  இந்த நிலையத்தில் விபசார நடவடிக்கைகளில் ஈடுபட்டதாக சந்தேகிக்கப்படும் 25 முதல் 30 வயதுக்குட்பட்ட மூன்று பெண்கள் கைது செய்யப்பட்டனர்.

இதேவேளை இந்நிலையத்தின் முகாமையாளர் அங்கிருந்து தப்பிச் சென்றதாகவும் அவரை கைது செய்வதற்கான நடவடிக்கைகளை மேற்கொள்ளவுள்ளதாகவும் பேராதனை பொலிஸார் தெரிவித்தனர்.