தவறவிடாதீர்கள்..!உடனே பதிவு செய்யுங்கள்

மஹிந்த ராஜபக்ஷவை தோற்கடிப்பதற்காக மைத்திரிபால சிறிசேனவை ஆதரித்தது அவ்வாறான ஒரு உபாயம். மஹிந்தவும் ரணிலும் மோதிய போது, தேர்தலை புறக்கணித்ததன் மூலம், ரணில் விக்கிரமசிங்கவின் வெற்றியைத் தடுத்தது இன்னொரு உபாயம். இந்த இரண்டு உபாயங்களும் கடந்த காலங்களில் தமிழ்த் தரப்பினால் கையாளப்பட்டவை. வரும் ஜனாதிபதி தேர்தலில் தமிழர் தரப்பு எத்தகைய உபாயத்தை கையாள போகிறது என தீர்மானிக்காத நிலையில், சி.வி.விக்னேஸ்வரன் திடீரென ரணில் பக்கம் சார்ந்திருப்பது முக்கியமாக கவனிக்கப்பட வேண்டியது. தனது எதிரியைத் தோற்கடிப்பதற்கு எல்லா வழிகளையும் கையாளக் கூடியவர் ரணில். அதனால், விக்னேஸ்வரனின் வழியாக தமிழ் வாக்குகளை சுருட்டவோ, அல்லது பிரிக்கவோ முற்படுகிறாரா என்ற கேள்வி எழுந்திருப்பதில் நியாயம் உள்ளது.