தவறவிடாதீர்கள்..!உடனே பதிவு செய்யுங்கள்

குறுகிய காலத்தில் நாட்டை வங்குரோத்து நிலையில் இருந்து மீட்டிருப்பதாக ஜனாதிபதி கூறிய சில நாட்களின் பின்னர், நாடு வங்குரோத்து நிலையை அடைந்ததாக ஒருபோதும் அரசாங்கம் அறிவிக்கவில்லை என்று மத்திய வங்கி ஆளுநர் அறிவித்தது நினைவிருக்கலாம். நாட்டின் பொருளாதார நிலைமை எல்லா குடிமக்களுக்கும் நன்றாக தெரியும். ஜனாதிபதிக்கும் அமைச்சர்களுக்கும் தெரிந்திருப்பதை விட, அவர்களுக்கு இன்னும் கூடுதலாகவே தெரியும். அரசாங்கத்தில் உள்ளவர்கள் காகிதத்தில் உள்ள புள்ளிவிவரங்களை வைத்து வார்த்தை ஜாலங்களை அள்ளி வீச முடியும். ஆனால் சாதாரண மக்களை பொறுத்தவரை, பொருளாதாரம் எந்த நிலையில் இருக்கிறது என்று, தங்களின் அன்றாட உழைப்பு, ஊதியம், கொடுக்கல் வாங்கல்களில் இருந்து உணர்ந்து கொள்வார்கள்.