தவறவிடாதீர்கள்..!உடனே பதிவு செய்யுங்கள்

நீலையூர் சுதா எழுதிய 'கொத்துவேலி' கவிதைத் தொகுப்பு நூலின் வெளியீட்டு நிகழ்வு கிழக்கு மாகாண பண்பாட்டலுவல்கள் திணைக்களத்தின் ஏற்பாட்டில் திருகோணமலை நகராட்சி மன்ற மண்டபத்தில் புதன்கிழமை (07) மாலை 4 மணிக்கு இடம்பெறவுள்ளது.

எழுத்தாளரும் கிழக்கு மாகாண பண்பாட்டலுவல்கள் பணிப்பாளருமான ச.நவநீதன் தலைமையில் நடைபெறும் இவ்விழாவில், வரவேற்புரையை எண்ணம் போல்வாழ்க்கை இலக்கிய மன்றத் தலைவர் எழுத்தாளர் கனகதீபகாந்தனும், நூலாசிரியர் குறித்து சமூக சேவை திணைக்கள மாகாண பணிப்பாளர் எழுத்தாளர் இரா.கி.இளங்குமுதனும், சிறப்பு நயவுரையினை ஓய்வுநிலை அதிபர் கவிஞர் இரா. இரத்தினசிங்கமும் வழங்குவார்கள்.

எண்ணம்போல் வாழ்க்கை இலக்கிய மன்றத்தின் ஒருங்கமைப்பில், திருகோணமலை மாவட்ட உள்ளூராட்சி உதவி ஆணையாளரும் எழுத்தாளருமான சூ.பார்த்தீபன் நிகழ்ச்சியை தொகுத்து வழங்குவார்.

இந்நிகழ்வில் பிரதம செயலாளர், அரசாங்க அதிபர், அனைத்து கிழக்கு மாகாண சபைச் செயலாளர்கள், பிரதி பிரதம செயலாளர்கள், திருமலை வளாக முதல்வர் ஆகியோர் அதிதிகளாக கலந்து சிறப்பிக்கவுள்ளனர்.