தவறவிடாதீர்கள்..!உடனே பதிவு செய்யுங்கள்

நகைச்சுவை நடிகராக இருந்து கதாநாயகனாக உயர்ந்திருக்கும் நடிகர் சதீஷ் முதன்மையான கதாபாத்திரத்தில் நடித்திருக்கும் ‘வித்தைக்காரன்’ திரைப்படத்தில் இடம்பெற்ற ‘சுனாமிகா...’ எனும் பாடலும், பாடலுக்கான லிரிக்கல் வீடியோவும் வெளியாகியிருக்கிறது.

வெங்கி இயக்கத்தில் தயாராகியிருக்கும் திரைப்படம் 'வித்தைக்காரன்’. இதில் சதீஷ், சிம்ரன் குப்தா, ஆனந்த்ராஜ், ஜோன் விஜய், மதுசூதன் ராவ், சுப்ரமணிய சிவா, பவல் நவகீதன் உள்ளிட்ட பலர் நடித்திருக்கிறார்கள். 

யுவ கார்த்திக் ஒளிப்பதிவு செய்திருக்கும் இந்த படத்துக்கு விபிஆர் இசையமைத்திருக்கிறார். மேஜிஸியன் ஒருவரின் வாழ்வியலை மையப்படுத்தி தயாராகியிருக்கும் இந்த திரைப்படத்தை வைட் கொர்பெட் ஃபிலிம்ஸ் பட நிறுவனம் சார்பில் கே. விஜய் பாண்டி தயாரித்திருக்கிறார். 

இப்படத்தின் ஃபர்ஸ்ட் லுக், டீசர் ஆகியவை வெளியாகி பெரும் வரவேற்பைப் பெற்ற நிலையில் இப்படத்தில் இடம்பெற்ற ‘சுனாமிகா..’ எனத் தொடங்கும் பாடலும், பாடலுக்கான லிரிக்கல் வீடியோவும் வெளியாகியிருக்கிறது. 

இந்த பாடலை கவிபேரரசு வைரமுத்து எழுத, பின்னணி பாடகர் ஹரிஹரன் பாடியிருக்கிறார்.  காதலும் மெல்லிசையும் கலந்த இந்த பாடல் இணையத் தலைமுறையினரை கவர்ந்திருக்கிறது.