தவறவிடாதீர்கள்..!உடனே பதிவு செய்யுங்கள்

ஹிக்கடுவ, வேவல பகுதியில் உள்ள விடுதியொன்றின் அறையில் இரத்தக் காயங்களுடன் ஆணொருவரின் சடலம் கண்டுபிடிக்கப்பட்டுள்ளதாக பொலிஸார் தெரிவித்துள்ளனர்.

உயிரிழந்தவர் வறகொட, களனி பிரதேசத்தைச் சேர்ந்த 27 வயதுடையவர் என கூறப்படுகிறது. 

குறித்த நபரிடமிருந்து எந்தவொரு தகவலும் கிடைக்காத காரணத்தினால் விடுதி நிர்வாகத்தினர் நேற்று புதன்கிழமை (31) மாலை ஹிக்கடுவ பொலிஸாருக்கு அறிவித்துள்ளதையடுத்து, விசாரணைகள் ஆரம்பிக்கப்பட்டுள்ளன.

அதையடுத்து, அந்த நபர் தங்கியிருந்த விடுதி அறையின் ஜன்னலை பொலிஸார் மற்றும் விடுதி ஊழியர்கள்  திறந்து பார்த்தபோது, அவர் இரத்த காயங்களுடன் உயிரிழந்திருந்தமை தெரியவந்தது.

தற்போது சடலம் பொலிஸாரின் பாதுகாப்பில் வைக்கப்பட்டுள்ளது. 

இந்த சம்பவம் தொடர்பில் மேலதிக விசாரணைகளை ஹிக்கடுவ பொலிஸார் முன்னெடுத்து வருகின்றனர்.