தவறவிடாதீர்கள்..!உடனே பதிவு செய்யுங்கள்

இயல்வாணன் எழுதிய 'யாரும் பாடலாம் என்னை' கவிதை நூலின் வெளியீட்டு விழா கடந்த வியாழக்கிழமை (25) மாலை கோப்பாய் நாவலர் தமிழ் வித்தியாலய மண்டபத்தில் நடைபெற்றது.

தேசிய கலை இலக்கியப் பேரவையின் தலைவரும் தாயகம் சஞ்சிகை ஆசிரியருமான க.தணிகாசலத்தின் தலைமையில் நடைபெற்ற இந்நிகழ்வில் வெளியீட்டுரையினை எழுத்தாளர் சட்டத்தரணி சோ.தேவராஜா வழங்கி நூலை வெளியிட்டு வைத்தார்.

நூலின் முதல் பிரதியை நூலாசிரியரின் மாமி தாமோதரம்பிள்ளை சிவபாக்கியம் பெற்றுக்கொண்டார். 

மதிப்பீட்டுரைகளை பண்டத்தரிப்பு பெண்கள் உயர்தர பாடசாலை ஆசிரியரான எழுத்தாளர், விமர்சகர் ந.குகபரனும் கிராமசேவகரான கவிஞர் வ.வடிவழகையனும் நிகழ்த்தினர். 

ஏற்புரையினை வலிகாமம் வலய பிரதிக் கல்விப் பணிப்பாளரான கவிஞர் இயல்வாணன் நிகழ்த்தினார்.

எழுத்தாளர்கள், கலைஞர்கள், வாசகர்கள் என பலரும் கலந்துகொண்ட இந்த நிகழ்வை கலாசார உத்தியோகத்தர் ச.தனுஜன் தொகுத்து வழங்கினார்.