தவறவிடாதீர்கள்..!உடனே பதிவு செய்யுங்கள்

புத்தளம் - ஆனமடுவ, லபுகம பகுதியில் மோட்டார் சைக்கிள் லொறியுடன் மோதி இடம்பெற்ற விபத்தில் இராணுவவீரரும் அவரது மகனும் உயிரிழந்துள்ள நிலையில் மனைவி படு காயமடைந்துள்ளார்.

இந்த சம்பவம் இன்று வியாழக்கிழமை (25) இடம்பெற்றுள்ளது.

நவகத்தேகம பிரதேசத்தை சேர்ந்த 38 வயதுடைய ஜீவக செனவிரத்ன என்ற இராணுவவீரரும்  10 வயதுடைய அவரது மகனுமே இவ்வாறு உயிரிழந்துள்ளனர்.

குறித்த சம்பவத்தின் போது இராணுவவீரர் தனது மனைவி மற்றும் மகனுடன் ஆனமடுவ - நவகத்தேகம பிரதான வீதியில் லபுகம பகுதியில் மோட்டார் சைக்கிளில் பயணித்த போது அங்குள்ள விகாரைக்கு முன்பதாக நிறுத்தி வைக்கப்பட்டிருந்த மரப்பலகை ஏற்றிச்சென்ற லொறியுடன் மோதியதில் இந்த விபத்து இடம்பெற்றள்ளது.

விபத்தில் காயமடைந்த இராணுவவீரரின் மனைவி சிகிச்சைக்காக புத்தளம் வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

இந்த சம்பவம் தொடர்பான மேலதிக விசாரணைகளை ஆனமடுவ பொலிஸார் மேற்கொண்டு வருகின்றனர்.