தவறவிடாதீர்கள்..!உடனே பதிவு செய்யுங்கள்

சீனி வரி மோசடி குற்றச்சாட்டு தொடர்பில் குற்றப் புலனாய்வு திணைக்களம் விசாரணைகளை நிறைவு செய்துள்ளதாக நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்துள்ளார்.

விசாரணையின் கோப்புகள் சட்ட மா அதிபரின் ஆலோசனைக்காக அனுப்பி வைக்கப்பட்டதாகவும்  அதற்கான பதில்  கிடைத்துள்ளதாகவும் அவர் கூறினார்.

மோசடி தொடர்பாக வழக்குத் தொடர்வதற்கான ஆலோசனையைப் பெறவே இவ்வாறு செய்யப்பட்டதாகவும்  அவர் தெரிவித்துள்ளார்.

இதேவேளை, 6 நிறுவனங்களிலிருந்து பெற்ற இலாபத்தில் 31 கோடி ரூபாவை மீளப் பெற்றுள்ளதாகவும்  இராஜாங்க அமைச்சர் தெரிவித்தார்.

சீனி வரி மோசடி தொடர்பில் எதிர்க்கட்சித் தலைவர் சஜித் பிரேமதாச  இன்று புதன்கிழமை (24) நாடாளுமன்றத்தில்  எழுப்பிய கேள்விக்கு பதிலளிக்கும் போதே  அவர் இவ்வாறு தெரிவித்தார்.