தவறவிடாதீர்கள்..!உடனே பதிவு செய்யுங்கள்

சீனாவில் திங்கட்கிழமை (22) நள்ளிரவில் 7.0 ரிச்டர் அளவில் சக்தி வாய்ந்த பூகம்பம் ஏற்பட்டுள்ளதாக அந்நாட்டு தேசிய புவியியல் ஆய்வு மையம் தெரிவித்துள்ளது.

இந்த பூகம்பம் சீனா - கிர்கிஸ்தான் எல்லையை ஒட்டி அமைந்துள்ள ஜின் ஜியாங் மாகாணத்தை மையமாகக் கொண்டு  ஏற்பட்டுள்ளது. 

இந்த பூகம்பத்தின் மையம் தரைமட்டத்தில் இருந்து 80 கிலோ மீற்றர் ஆழத்தில் அமைந்திருந்ததாக புவியியல் ஆய்வு மையம் கூறியுள்ளது.

இந்த பூகம்பத்தால் ஏற்பட்ட சேதங்கள் குறித்த விவரங்கள் விரைவில் வெளியிடப்படும் என தெரிவிக்கப்பட்டுள்ளது. 

இதனிடையே சீனாவில் ஏற்பட்ட பூகம்பத்தின் தாக்கத்தால் இந்தியாவின் டெல்லி உள்ளிட்ட பிற பகுதிகளிலும் நில அதிர்வு உணரப்பட்டதால் பரபரப்பு ஏற்பட்டுள்ளது.