தவறவிடாதீர்கள்..!உடனே பதிவு செய்யுங்கள்

புத்தளம் கல்லடி பகுதியில்  நேற்று ஞாயிற்றுக்கிழமை (21) யானையொன்று மின்சார வேலியில் சிக்கி உயிரிழந்த நிலையில் புத்தளம் வனஜீவராசிகள்  பிரிவினர் மீட்டுள்ளனர் . 

குறித்த காட்டு யானை சட்டவிரோதமாக பொருத்தப்பட்டிருந்த அதிவலு கொண்ட மின்சாரக் கம்பியில் சிக்கி உயிரிழந்துள்ளதாக வனஜீவராசிகள் கட்டுப்பாட்டுப் பிரிவினர் தெரிவித்தனர்.

இவ்வாறு உயிரிழந்த காட்டு யானை சுமார் 8 அடி உயரமுடைய 30 வயது மதிக்கத்தக்கதென வனஜீவராசிகள் பிரிவினர் தெரிவித்தனர்.

இந்தச் சம்பவம் தொடர்பில் இருவர் சந்தேகத்தின் பேரில் கைது செய்யப்பட்டு புத்தளம் நீதிமன்றத்தில் இன்று (22) முன்னிலைப் படுத்தப்பட்டனர்.

இதன்போது ஒருவர் குற்றத்தை ஒப்புக் கொண்டதாகத் தெரிவித்த நிலையில் எதிர்வரும் 30 ஆம்  திகதி வரை விளக்கமறியலில் வைக்கப்பட்டுள்ளதாகவும் மற்றுமொருவர் பிணையில் விடுவிக்கப்பட்டுள்ளதாகவும் வனஜீவராசிகள் திணைக்கள கட்டுப்பாட்டுப் பிரிவினர் தெரிவித்தனர்.

இதன்போது நிகவரெட்டிய மிருக வைத்திய சிகிச்சைப் பிரிவினர் இன்று நண்பகல் வருகத் தந்து உயிரிழந்த யானையை பிரேத பரிசோதனைக்கு உட்படுத்தியுள்ளனர்.  குறித்த யானை மின்சார வேலியில் சிக்கி  உயிரிழந்துள்ளதாக மிருக வைத்தியர் இசுரு உறுதிப்படுத்தியுள்ளமை குறிப்பிடத்தக்கது .