தவறவிடாதீர்கள்..!உடனே பதிவு செய்யுங்கள்

சிறைச்சாலை அதிகாரிகளின் பாதுகாப்பில் இருந்து தப்பிச் சென்ற மாத்தறை சிறைச்சாலை கைதி ஒருவர் காலி ரயில் நிலையத்தில் வைத்து காலி சிறைச்சாலை அதிகாரிகளால் கைது செய்யப்பட்டுள்ளார்.

இவர் மாத்தறை சிறைச்சாலையில் தடுத்து வைக்கப்பட்டிருந்த நிலையில் இன்னும் சில சிறைச்சாலை கைதிகளுடன் மாத்தறையில் உள்ள பிரிவெனா ஒன்றிற்கு பணி நிமித்தம் அழைத்துச் செல்லப்பட்டுள்ளார்.

இந்நிலையில், சிறைச்சாலை அதிகாரிகளின் பாதுகாப்பில் இருந்த சந்தேக நபர் அங்கிருந்து தப்பிச் சென்று தனியார் பஸ் ஒன்றிலிருந்து காலி பிரதேசத்தை வந்தடைந்துள்ளார்.

இதனையடுத்து காலி ரயில் நிலையத்திற்கு வந்த சந்தேக நபர் ரயிலில் ஏற முற்பட்ட போது காலி சிறைச்சாலை அதிகாரிகளால் கைது செய்யப்பட்டுள்ளார்.