தவறவிடாதீர்கள்..!உடனே பதிவு செய்யுங்கள்

தென்கிழக்கு பல்கலைக்கழக கல்வி நடவடிக்கைகளை மறு அறிவித்தல் வரை நிகழ்நிலை (ஒன்லைன்) மூலமாக தொடங்க ஒழுங்குகள் செய்யப்பட்டுள்ளதாக தெரிவிக்கப்பட்டுள்ளது. 

எதிர்வரும் திங்கட்கிழமை 22ஆம் திகதி இந்த கல்வி நடவடிக்கைகள் ஆரம்பிக்கப்படவுள்ளதாக பல்கலைக்கழக பதில் பதிவாளர் எம்.ஐ.நௌபர் தெரிவித்துள்ளார். 

அத்துடன் பல்கலைக்கழகத்தில் வெள்ளப்பெருக்கினால் ஏற்பட்ட சிதைவுகள் அகற்றப்பட்டு சுத்தம் செய்யப்படுவதாகவும் மறுசீரமைப்பு பணிகளும் ஆரம்பிக்கப்பட்டுள்ளதாகவும் அவர் மேலும் தெரிவித்தார். 

அதேவேளை சம்மாந்துறையில் அமைந்துள்ள பிரயோக விஞ்ஞான பீடத்தின் கல்வி நடவடிக்கைகள் வழமை போன்று இடம்பெறும் எனவும் தெரிவிக்கப்பட்டுள்ளது. 

அண்மையில் ஏற்பட்ட வெள்ளத்தினால் தென்கிழக்கு பல்கலைக்கழக கல்வி நடவடிக்கைகள் இடைநிறுத்தப்பட்டமை குறிப்பிடத்தக்கது.