தவறவிடாதீர்கள்..!உடனே பதிவு செய்யுங்கள்

நகைச்சுவை நடிகர் சூரி துரை செந்தில்குமாரின் இயக்கத்தில் கதாநாயகனாக நடித்து வரும் புதிய திரைப்படத்தின் முதல் பார்வை போஸ்டர் மற்றும் டைட்டில் வீடியோ இன்று (19) மாலை 5 மணிக்கு வெளியாகும் என படக்குழுவினர் அறிவித்துள்ளனர். 

இயக்குநர் வெற்றிமாறன் கதை எழுத, சூரி நடிக்கும் இந்த படத்தின் படப்பிடிப்புகள் சமீபத்தில் நிறைவடைந்தது. 

இந்த படத்தில் சசிகுமார், உன்னி முகுந்தன் முக்கிய வேடங்களில் நடிக்க, அவர்களுக்கு ஜோடியாக ரேவதி சர்மா, ஷிவதா நாயர் ஆகியோர் நடித்துள்ளனர். 

இவர்களுடன் சமுத்திரக்கனி, மொட்டை ராஜேந்திரன், மைம் கோபி என பலர் நடித்துள்ளனர்.

ஆர்தர் ஏ.வில்சன் ஒளிப்பதிவு செய்துள்ள இந்த படத்தை லார்க் ஸ்டுடியோஸ் மற்றும் கிராஸ்ரூட் ஃபிலிம் கம்பெனி சார்பில் கே.குமார் தயாரித்துள்ளார். 

இந்த படத்துக்கு யுவன் சங்கர் ராஜா இசையமைத்துள்ளமை குறிப்பிடத்தக்கது.