தவறவிடாதீர்கள்..!உடனே பதிவு செய்யுங்கள்

நடிகைகள் சோனியா அகர்வால் மற்றும் ஸ்மிருதி வெங்கட் கதையின் நாயகிகளாக முதன்மையான கதாபாத்திரத்தில் நடித்திருக்கும் புதிய திரைப்பட த்துக்கு '7/G' என பெயரிடப்பட்டு, அதன் ஃபர்ஸ்ட் லுக் வெளியிடப்பட்டிருக்கிறது.

'வெப்' எனும் திரைப்படத்தை இயக்கிய இயக்குநர் ஹாரூன் இயக்கத்தில் தயாராகி இருக்கும் புதிய திரைப்படம் '7/G'. இதில் சோனியா அகர்வால், ஸ்மிருதி வெங்கட், சித்தார்த் விபின், இயக்குநரும் நடிகருமான சுப்பிரமணிய சிவா, சினேகா குப்தா, ரோஷன் உள்ளிட்ட பலர் நடித்திருக்கிறார்கள். 

ஆர். கண்ணா ஒளிப்பதிவு செய்திருக்கும் இந்த திரைப்படத்துக்கு சித்தார்த் விபின் இசையமைத்திருக்கிறார். ஹொரர், திரில்லர் ஜேனரில் தயாராகியிருக்கும் இந்த திரைப்படத்தை ட்ரீம் ஹவுஸ் எனும் பட நிறுவனம் சார்பில் இயக்குநர் ஹாரூன் தயாரித்திருக்கிறார்.

இப்படத்தின் படப்பிடிப்பு நிறைவடைந்து தற்போது இறுதிக்கட்ட பணிகள் நடைபெற்று வருகிறது. 

இந்நிலையில், இப்படத்தின் டைட்டில் மற்றும் ஃபர்ஸ்ட் லுக் வெளியிடப்பட்டிருக்கிறது. படத்தின் டைட்டிலுடன் 'தி டார்க் ஸ்டோரி' எனும் வாசகம் இணைக்கப்பட்டிருப்பதால் பார்வையாளர்களின் ஆர்வத்தை அதிகரித்திருக்கிறது.