தவறவிடாதீர்கள்..!உடனே பதிவு செய்யுங்கள்

காலி - மீட்டியாகொடை பிரதேசத்தில் உள்ள தோட்டம் ஒன்றில் புதைக்கப்பட்டிருந்த துப்பாக்கியுடன் சந்தேக நபர் ஒருவர் நேற்று ஞாயிற்றுக்கிழமை (17) மீட்டியாகொடை பொலிஸாரால் கைது செய்யப்பட்டுள்ளார்.

மீட்டியாகொடை பொலிஸ் நிலைய அதிகாரிகளுக்கு கிடைத்த தகவலின் பேரில் மேற்கொள்ளப்பட்ட சோதனையில் சந்தேக நபர் கைது செய்யப்பட்டுள்ளார்.

சந்தேக நபரிடத்திலிருந்து ஒரு இலட்சத்து 50 ஆயிரம் ரூபா பெறுமதியான போதைப்பொருள் பொலிஸாரால் கைப்பற்றப்பட்டுள்ளது.

இவர்  அந்த தோட்டத்தில் தேவைப்படும் சந்தர்ப்பங்களில் இலகுவாக எடுக்கக்கூடிய விதத்தில் துப்பாக்கியை புதைத்து வைத்து அடையாளம் காண்பதற்கு குறியீடு ஒன்றை வைத்திருந்ததாகவும் பொலிஸார் தெரிவித்தனர்.

சந்தேக நபர் பலப்பிட்டிய நீதிவான் நீதிமன்றத்தில் ஆஜர்ப்படுத்தப்படவுள்ளதாக பொலிஸார் தெரிவித்தனர்.