தவறவிடாதீர்கள்..!உடனே பதிவு செய்யுங்கள்

நடிகர் அஜித் "துணிவு" படத்தை அடுத்து தற்போது மகிழ்திருமேனி இயக்கும் "விடாமுயற்சி" படத்தில் நடித்து வருகிறார். லைகா புரொடக்‌ஷன்ஸ் தயாரிக்கும் இந்தப் படத்துக்கு நிரவ் ஷா ஒளிப்பதிவு செய்கிறார். அனிருத் இசை அமைக்கிறார். இதில் சஞ்சய் தத், த்ரிஷா, அர்ஜுன், பிரியா பவானி சங்கர், ரெஜினா, ஆரவ் உள்ளிட்ட பலர் நடிக்கிறார்கள். 

இரு வேடங்களில் அஜித் நடித்து வரும் இந்த படத்தின் முதல் கட்ட படப்பிடிப்பு அஜர்பைஜானில் தொடங்கிய நிலையில், தற்போது மீண்டும் அங்கு இரண்டாம் கட்ட படப்பிடிப்பும்  நடைபெற்றுக் கொண்டிருக்கிறது. அங்கு சுமார் ஒரு மாதம் படப்பிடிப்பு நடக்கும் என்று கூறப்படுகிறது. 

இந்நிலையில், அஜித் இந்த படத்தில் நடிப்பதற்கு ஒரு மாதத்திற்கு முன்பிருந்தே தீவிர டயட், உடற்பயிற்சியை கடைப்பிடித்து 15 கிலோ வரை எடை குறைத்து நடித்து வருவதாக படக்குழுவில் கூறுகிறார்கள். அதை உறுதிப்படுத்தும் வகையில், அஜித்தின் தற்போதைய புகைப்படமொன்று வெளியாகி உள்ளது. அதில் அவர், முன்பு இருந்ததை விட மிகவும் எடை குறைந்த தோற்றத்தில் காணப்படுகிறார். இந்த தோற்றம் அட்டகாசமாக இருப்பதாக அஜித் ரசிகர்கள் தெரிவித்து வருகின்றனர்