தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

சர்வதேச நாணய நிதியத்துடன் ஏற்படுத்திக்கொள்ளப்பட்ட இணக்கப்பாட்டு ஒப்பந்தத்துக்கு அமைய 2024இல் அரச வருமானத்தை அதிகரிப்பதற்காக பெறுமதி சேர் வரி 15 சதவீதத்திலிருந்து 18 சதவீதமாக அதிகரிக்கப்பட்டுள்ளது.

அதற்கமைய ஜனவரி முதல் வரி அதிகரிப்பில் உள்ளடக்கப்பட்டுள்ள சுமார் 95 வகையான பொருட்களின் பட்டியல் வெளியிடப்பட்டுள்ளது. உடனடி உணவுகள், உள்நாட்டில் உற்பத்தி செய்யப்படும் தேங்காய் எண்ணெய், திரவ எரிவாயு, பெற்றோல், டீசல், மோட்டார் ரக வாகனங்கள், லொறி போன்ற கன ரக வாகனங்கள், கையடக்க தொலைபேசிகள், உள்நாட்டில் உற்பத்தி செய்யப்படும் மற்றும் இறக்குமதி செய்யப்படும் மதுபான வகைகள் என்பவை இதில் உள்ளடங்கும்.

அதே போன்று இலத்திரனியல் பொருட்கள், உயர் தொழில்நுட்ப பொருட்கள், மருத்துவ இயந்திரங்கள், சுகாதார பாதுகாப்பு உபகரணங்கள், அம்புலன்ஸ், பொதியிடல் பொருட்கள், மருந்தக பொருட்கள், விவசாய இயந்திரங்கள் உள்ளிட்டவை உள்நாட்டு தேயிலை உற்பத்திகள், இறால், மீன் உற்பத்திகள் என்பவையும் வற் வரி அதிகரிப்பில் உள்ளடக்கப்பட்டுள்ளன.

உள்நாட்டு பால் உற்பத்திப் பொருட்கள், சீனி, சீனி உற்பத்திகள், மீள்புதுப்பிக்கத்தக்க மின்சக்தி உபகரணங்கள், இரத்தினக்கற்கள் உள்ளிட்டவை தங்கம், புத்தகங்கள், பத்திரிகைகள், பத்திரிகை அச்சிடும் கடதாசிகள், தொழிற்சாலை சார் இயந்திரப் பொருட்கள், பயிர் செய்கை இயந்திரங்கள், ஊடகத்துறைசார் உபகரணங்கள், பேக்கரி உற்பத்திகள், ஆபரணங்கள் என்பவையும் உள்ளடங்குகின்றன.

மென்பொருட்கள், மரக்கறி எண்ணெய், முதலீட்டு சபையுடன் தொடர்புடைய பொருட்கள், ஆடை தொழிற்சாலை உற்பத்திப் பொருட்கள், மின்சார சபை உபகரணங்கள், திரைப்படத்துறை, திரையரங்கு கட்டணங்கள், சர்வதேச தொடர்பாடல் கட்டணங்கள், பொது நூலகம், மாகாண சபை, உள்ளூராட்சி சபை சேவை கட்டணங்கள், கப்பல் சேவைக் கட்டணங்கள், ஹோட்டல் சேவை கட்டணங்கள் என்பனவும் உள்ளடக்கப்பட்டுள்ளமை குறிப்பிடத்தக்கது.