மினுவாங்கொடை கல்விக்கோட்டத்திலுள்ள 35 பாடசாலைகள் நவீன உலகிற்கு ஏற்றவாறு நகர அபிவிருத்தி அதிகார சபையின் மேற்பார்வையில் அபிவிருத்தி

Published By: Vishnu

10 Dec, 2023 | 11:03 PM
image

மாதாந்தம் 20,000 ரூபாவிற்கும் அதிகமான மின்சாரக் கட்டணம் செலுத்தும் மினுவாங்கொடை கல்விப் கோட்டத்திற்குட்பட்ட பாடசாலைகளுக்கு இத்திட்டத்தை முதலில் நடைமுறைப்படுத்தவுள்ளதாக அமைச்சர் பிரசன்ன ரணதுங்க தெரிவித்துள்ளார்.   


மினுவாங்கொடை வலயக் கல்வி அலுவலகத்தில் கடந்த வெள்ளிக்கிழமை (08) நடைபெற்ற மினுவாங்கொடை கல்விக் கட்டமைப்புக் குழுக் கூட்டத்தில் கலந்து கொண்டு நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்க இதனைத் தெரிவித்தார்.


மினுவாங்கொடை வலயத்தில் உயர் புலமைப்பரிசில் பெறுபேறுகளைப் பெற்ற 08 பாடசாலைகளின் அதிபர்களுக்கு சான்றிதழ்களும் இங்கு வழங்கி வைக்கப்பட்டன.


பின்னர் நகர அபிவிருத்தி அதிகார சபையினால் மினுவாங்கொடை கல்வி கோட்டத்தின் 35 பாடசாலைகளுக்காக உருவாக்கப்பட்ட பெருந்திட்டங்களை நகர அபிவிருத்தி அதிகார சபையின் மேலதிக பணிப்பாளர் நாயகம் மகிந்த விதானாராச்சி அவர்கள் அதிபர்களிடம் வழங்கி வைத்தார்.


மினுவாங்கொடை கல்விப் கோட்டத்தில் 160 பாடசாலைகள் உள்ளன. அந்தப் பாடசாலைகளின் சிதிலமடைந்த பாடசாலைக் கட்டிடங்களை அபிவிருத்தி செய்யும் வேலைத்திட்டம் இன்னும் செயல்படுத்தப்பட்டு வருகிறது.

இதன்  முதற்கட்டமாக, இந்த 35 பாடசாலைகளுக்கான திட்டங்கள் தயாரிக்கப்பட்டு, நகர அபிவிருத்தி அதிகாரசபையின் பட்டயப் பொறியாளர்கள் மற்றும் கட்டடக் கலைஞர்களின் தலையீட்டில் அனைத்து திட்டங்களும் உருவாக்கப்பட்டன.


இவ்வாறான பாரிய திட்டங்களை தனியார் துறையினர் முன்னெடுத்தால் அதற்கு 10 இலட்சம் ரூபாவிற்கும் அதிகமாக செலவாகும் என நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்க குறிப்பிட்டார்.


இவ்வளவு பெரிய தொகையை பாடசாலைகள் அல்லது வலயக் கல்வி அலுவலகம் பொறுப்பேற்பது கடினம் என்பதால், திட்டங்களை தயாரிப்பதற்காக நகர அபிவிருத்தி அதிகாரசபையின் பட்டய பொறியாளர்கள் மற்றும் கட்டிடக்கலை நிபுணர்களை தொடர்பு கொண்டதாக அவர் கூறினார்.


இந்த திட்டங்களின் அடிப்படையில் பாடசாலையின் எதிர்கால அபிவிருத்தி அமைய வேண்டும் என அமைச்சர் பிரசன்ன ரணதுங்க அங்கு அதிபர்களுக்கு அறிவித்தார்.


இத்திட்டங்கள் தொடர்பில் பாடசாலை அபிவிருத்திக் குழுக்கள், பழைய மாணவர் சங்கம் மற்றும் பாடசாலை முகாமைத்துவக் குழுக்களுடன் அவர் ஆலோசனை வழங்கினார்.


மேலும், “நமது பாடசாலை – நாமே பாதுகாப்போம்” திட்டத்தின் கீழ், அமைச்சரின் அறிவுறுத்தலின் பேரில் 17 பாடசாலைகளுக்கு வர்ணம் பூசவும், சிறு புனரமைப்புகளைச்  செய்யவும் இங்கு பணம் வழங்கப்பட்டது.


அமைச்சர் பிரசன்ன ரணதுங்கவின் வேண்டுகோளுக்கிணங்க முன்னாள் மேல்மாகாண சபை உறுப்பினர் நௌபர் பௌசிக்கு சொந்தமான சஹீதா பவுண்டேஷன் மினுவாங்கொடை பாடசாலைகளை அபிவிருத்தி செய்வதற்கு முன்வந்துள்ளது. இந்த பவுண்டேஷனால் வழங்கப்பட்ட 100 இலட்சம் ரூபா 08 பாடசாலைகளின் அபிவிருத்திக்காக அதிபர்களுக்கு வழங்கப்பட்டது.


மினுவாங்கொடை வலயக் கல்விப் பிரிவில் உள்ள ஆசிரியர் வெற்றிடத்தை அடுத்த வருடத்தின் முதல் காலாண்டில் பூர்த்தி செய்யவுள்ளதாக அமைச்சர் பிரசன்ன ரணதுங்க வலயக் கல்விப் பணிப்பாளர் மற்றும் அதிபர்களிடம் வலியுறுத்தினார்.
இந்நிகழ்வில் மினுவாங்கொடை வலயக் கல்விப் பணிப்பாளர் கபில ரணராஜா பெரேரா, நகர அபிவிருத்தி அதிகார சபையின் பிரதிப் பணிப்பாளர் நாயகம் மஹிந்த விதானாராச்சி உட்பட மினுவாங்கொடை வலயப் பாடசாலைகளின் அதிபர்கள் கலந்துகொண்டனர்.

முக்கிய செய்திகள்

icon-left
icon-right

தொடர்பான செய்திகள்

news-image

இன்றைய வானிலை

2024-03-01 06:27:02
news-image

மத்திய மாகாணத்தில் மேலதிக வகுப்புக்களுக்கு தடை...

2024-03-01 02:28:09
news-image

வடக்கு மாகாண தனியார் பேருந்து உரிமையாளர்களின்...

2024-03-01 02:04:26
news-image

மேல் கொத்மலை நீர்த்தேக்கத்திலிருந்து ஆண் ஒருவரின்...

2024-03-01 01:15:03
news-image

சபாநாயகரின் தீர்மானம் பிழை என்றால் நீதிமன்றம்...

2024-02-29 23:54:44
news-image

சிவாஜிலிங்கத்துக்கு எதிரான பயங்கரவாத தடைச்சட்ட வழக்கை...

2024-02-29 21:51:35
news-image

புதிய பொலிஸ்மா அதிபர் நியமனம் சட்டவாட்சிக்கு...

2024-02-29 23:03:12
news-image

மன்னாரில் 53 ஆயிரம் போதை மாத்திரைகள் ...

2024-02-29 21:52:22
news-image

சந்தேகத்திற்கிடமான முறையில் தீ வைத்து எரிக்கப்பட்ட...

2024-02-29 21:54:10
news-image

தேசிய சைபர் பாதுகாப்புச் சட்டத்தைக் கொண்டுவர...

2024-02-29 21:55:44
news-image

இலங்கையில் எயிட்ஸ் நோயாளர்களின் எண்ணிக்கை அதிகரிப்பு

2024-02-29 21:52:44
news-image

கோரிக்கை நிறைவேற்றப்படாவிட்டால் தொடர் போராட்டத்துக்கு தயங்க...

2024-02-29 21:49:28