தவறவிடாதீர்கள்..!உடனே பதிவு செய்யுங்கள்

பிரபல இயக்குனர் அமீர், பருத்திவீரன், ராம், மௌனம் பேசியதே போன்ற வெற்றி படங்களை கொடுத்திருக்கிறார். அதேசமயம் கடந்த 2009இல் யோகி என்னும் திரைப்படத்தில் கதாநாயகனாகவும் அறிமுகமானார். வெற்றிமாறன் இயக்கத்தில் வெளியான வடசென்னை திரைப்படத்திலும் நடித்து பெயர் பெற்றார். தற்போது மீண்டும் வெற்றிமாறனுடன் இணைந்து வாடிவாசல் திரைப்படத்தில் முக்கிய கதாபாத்திரத்தில் நடிக்க இருக்கிறார்.

இயக்குனர் ரமேஷ் பாலகிருஷ்ணன் இயக்கத்தில் இயக்குநர் அமீர் நடிப்பில் உருவாகியுள்ள திரைப்படம் 'மாயவலை'. இந்த படத்தில் ஆர்யாவின் தம்பி சத்யா, சஞ்சிதா ஷெட்டி, வின்சென்ட் அசோகன், தீனா, சரண் உட்படப் பலர் இப்படத்தில் நடித்துள்ளனர்.

முதலில் இந்த படத்தை அமீரும் யுவன் சங்கர் ராஜாவும் இணைந்து தயாரித்தனர். ஆனால் தற்போது வெற்றிமாறனும், அமீரும் இந்த படத்தை இணைந்து தயாரித்துள்ளனர். ராம்ஜி ஒளிப்பதிவு செய்துள்ளார். இந்தப் படத்தின் டீசரை வெற்றிமாறன், கரு பழனியப்பன், சேரன், சசிகுமார், சமுத்திரகனி, சினேகன் ஆகியோர் தற்போது வெளியிட்டுள்ளனர். அமீர், சஞ்சிதா ரெட்டி, சத்யா மூவருக்கும் இடையேயான நட்பு, காதல் பின்னணியில் க்ரைம் த்ரில்லராக மாயவலை உருவாகியுள்ளது.

படத்தின் டீசர் நன்றாக இருப்பதால் தற்போது படத்தின் மீதான எதிர்பார்ப்பும் அதிகமாகி இருக்கிறது. விரைவில் "மாயவலை" திரைப்படம் வெளியாகும் திகதி அறிவிக்கப்படும் எனவும் எதிர்பார்க்கப்படுகிறது.