தவறவிடாதீர்கள்..!உடனே பதிவு செய்யுங்கள்

பொலிஸ்மா அதிபர் தேசபந்து தென்னக்கோன் மீது பல விமர்சனங்களும்குற்றச்சாட்டுகளும் உள்ளன. மேல் மாகாணத்துக்குப் பொறுப்பான பிரதி.பொலிஸ்மா அதிபராக விளங்கியவர் இவர். இந்த காலப்பகுதியில் இடம்பெற்ற  ஈஸ்டர் குண்டுத் தாக்குதல் சம்பவங்கள் குறித்த ஜனாதிபதி விசாரணை ஆணைக்குழுவின் இறுதி அறிக்கையில், குண்டுத்தாக்குதல்கள் குறித்த தகவல்கள் கிடைத்தும் இவர் தனது கடமைகளை முன்னெடுக்கவில்லையென்று குற்றச்சாட்டு முன்வைக்கப்பட்டது.  இதே வேளை கடந்த வருடம் மே மாதம் 9 ஆம் திகதி அலரி மாளிகை மற்றும்காலி முகத்திடல் பகுதியில் இடம்பெற்ற கலவரங்களை தடுக்க தவறியமைக்கு அவர் 14 நாட்கள் கட்டாய விடுமுறையில் அனுப்பப்பட்டிருந்தார். இந்த வழக்கு விசாரணைகளில் சந்தேக நபராக தென்னக்கோனை பெயரிடுமாறு சட்டமா அதிபர் முன்னாள் பொலிஸ்மா அதிபர் சி.டி.விக்ரமரத்னவுக்கு அறிவித்திருந்தமை முக்கிய விடயம். இதையனைத்தையும் தாண்டி அவர் இன்று பதில் பொலிஸ்மா அதிபர் என்ற அதிகாரத்தில் இருக்கின்றார் என்றால் இவருக்கு பின்னணியில் அரசியல் இல்லாமலா இருக்கும்?