தவறவிடாதீர்கள்..!உடனே பதிவு செய்யுங்கள்

வெல்லம்பிட்டிய பொலிஸ் பிரிவுக்கு உட்பட்ட பகுதியில்  35 ஆயிரம் பணத்துடன் ஐஸ் போதைப்பொருள் வைத்திருந்த சந்தேக நபர் ஒருவர் பொலிஸ் விசேட அதிரடிப்படையினரால் கைது செய்யப்பட்டுள்ளார்.

இந்த சம்பவமானது நேற்று வியாழக்கிழமை (30) மாலையில் இடம்பெற்றுள்ளது.

கைதுசெய்யப்பட்டவர் வெல்லம்பிட்டிய பிரதேசத்தை சேர்ந்த 37 வயதுடையவராவார்.

பொலிஸாருக்கு கிடைத்த தகவலின் அடிப்படையில் மேற்கொள்ளப்பட்ட சோதனையில் சந்தேக நபரிடத்திலிருந்து 35 ஆயிரம் ரூபா பணம் , 7 கிராம் 250 மில்லிகிராம் நிறையுடைய ஐஸ் போதைப்பொருள் மற்றும் கையடக்கத்தொலைபேசி என்பன பொலிஸாரால் கைப்பற்றப்பட்டுள்ளன.

இந்த சம்பவம் தொடர்பான மேலதிக விசாரணைகளை வெல்லம்பிட்டிய பொலிஸார் மேற்கொண்டு வருகின்றனர்.