உலகில் முதல்முறையாகப் பூனைகளை பராமரிப்பதற்கான ஐந்து நட்சத்திர விடுதி ஒன்று ஆரம்பிக்கப்பட்டுள்ள சம்பவம் மலேசியாவில் இடம்பெற்றுள்ளது. 

வீட்டில் வளர்க்கப்படும் செல்லப் பிராணிகளுக்கு ஒரேவிதமான வாழ்க்கை சலிப்பை ஏற்படுத்தும். அதனால் அவற்றிக்கு விடுமுறை வசதிகளை ஏற்படுத்தி கொடுக்க வேண்டும். எனும் தொனிப்பொருளில், கேட்ஸோனியா எனும் ஐந்து நட்சத்திர விடுதியானது பூனைகளை பராமரிப்பதற்காக அமைக்கப்பட்டுள்ளது.

கேட்ஸோனியா விடுதியானது 35 ஆடம்பர அறைகளை கொண்டுள்ளதோடு, பூனைகள் விளையாடுவதற்கான வசதிகள்,  மிகச் சிறந்த பராமரிப்பு, பூனைகளுக்கான மசாஜ், குளியல், ஆரோக்கியமான உணவு, சரியான ஓய்வு போன்ற வசதிகளை கொண்ட இடமாக அமைக்கப்பட்டுள்ளது.

குறித்த விடுதியில் 3 மணித்தியாலயத்திலிருந்து 1 வருடம் வரை பூனைகளை விட்டு செல்லலாம். மேலும் ஒரு இரவுக்கான பராமரிப்பிற்கு 400 ரூபாவிலிருந்து அறைகள் வழங்கப்படுவதோடு, அதிகக் கட்டணம் கொண்ட அறையில் 24 மணி நேரமும் கண்காணிப்பு கெமரா பொறுத்தப்பட்டுள்ளதோடு, பூனையின் உரிமையாளர்கள் தங்கள் செல்லப் பூனைகளைக் கெமராவின் மூலம்  கவனித்துக்கொள்ளுவதற்கான வசதிகளும் செய்யப்பட்டுள்ளமை குறிப்பிடத்தக்கது.