அடுத்த மாதம் முதல் தடையில்லாது திரிபோஷா விநியோகிக்கப்படும் - சுகாதாரத்துறை அமைச்சர்

Published By: Vishnu

30 Nov, 2023 | 05:28 PM
image

(எம்.ஆர்.எம்.வசீம், இராஜதுரை ஹஷான்)

சுகாதாரத் துறையில் காணப்படும் அடிப்படை பிரச்சினைகளை 2023 ஆம் ஆண்டுக்கான வரவு செலவுத் திட்டத்தில் சுகாதார அமைச்சின் குழு நிலை விவாதத்தில் சுட்டிக்காட்டினேன்.

அதே பிரச்சினைகளை வியாழக்கிழமை (30) சுட்டிக்காட்டுகிறேன். திரிபோஷா விநியோகம் இடைநிறுத்தப்பட்டுள்ளதையிட்டு கவலையடைய வேண்டும்.

திரிபோஷா பிரச்சினைக்காவது உடனடியாக தீர்வு காணுங்கள் என தேசிய மக்கள் சக்தியின் பாராளுமன்ற உறுப்பினர் ஹரிணி அமரசூரிய சுகாதாரத்துறை அமைச்சரிடம்  வலியுறுத்தினார்.

திரிபோஷா விநியோகத்துக்கு அமைச்சரவை அங்கீகாரம் வழங்கியுள்ளது.அடுத்த மாதம் முதல் தடையில்லாமல் திரிபோஷா விநியோகிக்கப்படும் என சுகாதாரத்துறை அமைச்சர் ரமேஷ் பத்திரன பதிலளித்தார்.

பாராளுமன்றத்தில் வியாழக்கிழமை (30) இடம்பெற்ற 2024 ஆம் ஆண்டுக்கான வரவு செலவுத் திட்டத்தில் சுகாதார அமைச்சுக்கான செலவீனத் தலைப்பு மீதான விவாதத்தில் உரையாற்றிய தேசிய மக்கள் சக்தியின் பாராளுமன்ற உறுப்பினர் ஹரிணி அமரசூரிய,

பொருளாதாரப் பாதிப்புக்கு மத்தியில் நாட்டின் சுகாதாரத்துறை மிக மோசமான நெருக்கடிகளை எதிர்கொண்டுள்ளது.

சுகாதார கட்டமைப்புடன் தொடர்புடைய நிறுவனங்களின் முறைகேடான செயற்பாடுகளினால் இலவச சுகாதாரத்துறை மீதான மக்களின் நம்பிக்கை வெகுவாக சிதைவடைந்துள்ளது.

சுகாதாரத்துறையின் நிதி மோசடியுடன் தொடர்புடையவர்களுக்கு பாரபட்சமின்றிய வகையில் தண்டனை வழங்க வேண்டும் அப்போது தான் இலவச சுகாதார துறை மீது மக்கள் நம்பிக்கை கொள்வார்கள். எதிர்காலத்திலும் முறைகேடான செயற்பாடுகள்  இடம்பெறாது.

சுகாதார துறையில் தற்போது நிலவும் அடிப்படை பிரச்சினைகளை  2023 ஆம் ஆண்டுக்கான வரவு செலவுத் திட்டத்தின் சுகாதார அமைச்சின் மீதான குழுநிலை விவாதத்தின் போது சுட்டிக்காட்டினேன்.

ஆனால் எப்பிரச்சினைகளுக்கும் தீர்வு கிடைக்கவில்லை.புதிய சுகாதாரத்துறை அமைச்சரின் நிர்வாகத்தின் கீழ் தீர்வு கிடைக்க வேண்டும் என்று  எதிர்பார்க்கிறேன்.

பொருளாதார பாதிப்புக்கு மத்தியில் வைத்தியர்கள் நாட்டை விட்டு வெளியேறுகிறார்கள். இந்த பிரச்சினைகளுக்கு உடனடியான தீர்வு காண வேண்டும்.

கடந்த அரசாங்கம் எடுத்த தவறான தீர்மானங்களினால் திரிபோஷா விநியோகம் நெருக்கடிக்குள்ளாக்கப்பட்டுள்ளது.3 வயதுக்கு குறைந்த பிள்ளைகளுக்கு திரிபோஷா வழங்கல் இடைநிறுத்தப்பட்டுள்ளமை கவலைக்குரியது.ஆகவே திரிபோஷா விநியோகம் மீண்டும் சிறந்த முறையில் முன்னெடுக்கப்பட வேண்டும் என்றார்.

இதற்கு எழுந்து பதிலளித்த சுகாதாரத்துறை அமைச்சர் ரமேஷ் பத்திரன, சுகாதாரத்துறையில் உள்ள பிரச்சினைகளுக்கு கட்டம் கட்டமாக தீர்வு காண்பதற்கு உரிய நடவடிக்கை எடுக்கப்பட்டுள்ளது.திரிபோஷா விநியோகத்துக்கு அமைச்சரவை அங்கீகாரம் வழங்கியுள்ளது. அடுத்த மாதம் முதல் திரிபோஷா விநியோகம்  தடையின்றி முன்னெடுக்கப்படும் என்றார்.

முக்கிய செய்திகள்

icon-left
icon-right

தொடர்பான செய்திகள்

news-image

சாந்தன் சொந்த நாட்டுக்கு திரும்புவதில் ஏற்பட்ட...

2024-03-01 18:49:43
news-image

இந்து சமுத்திரத்திற்குள் நாட்டின் பொருளாதாரத் திட்டங்களுக்குப்...

2024-03-01 17:52:47
news-image

யாழ். போதனா வைத்தியசாலை சூழலில் தரித்து...

2024-03-01 17:48:58
news-image

சர்ச்சைக்குரிய இம்யுனோகுளோபுலின் மருந்து கொடுக்கல் -...

2024-03-01 19:10:11
news-image

வெருகல் பிரதேச மக்களுக்கு கிழக்கு ஆளுநர்...

2024-03-01 18:45:49
news-image

யாழ். புதிய பஸ் நிலைய போக்குவரத்து...

2024-03-01 19:05:59
news-image

ஐ.நா. சனத்தொகை நிதியத்தின் ஆசிய, பசுபிக்...

2024-03-01 19:01:51
news-image

மற்றுமொரு முன்னாள் இராணுவ அதிகாரியும் ஐக்கிய...

2024-03-01 16:09:05
news-image

ஜனாதிபதி தேர்தல் இடம்பெறும் வரை வெளிநாட்டு...

2024-03-01 18:19:53
news-image

தாய்லாந்துக் குழுவின் நிதி உதவியை "கண்ணீரைத்...

2024-03-01 18:16:16
news-image

வவுனியாவில் ‍அமைக்கப்படவுள்ள மதுபானசாலைக்கு எதிராக சுவரொட்டிகள்...

2024-03-01 15:51:17
news-image

வட மாகாணத்தின் 3 தீவுகளில் மீள்புதுப்பிக்கத்தக்க...

2024-03-01 15:58:07