தவறவிடாதீர்கள்..!உடனே பதிவு செய்யுங்கள்

நாட்டில் மீண்டும் ஒரு அரசியல் நெருக்கடியை தோற்றுவிக்க சில முக்கிய அரசியல்வாதிகள் கைகோர்த்துள்ளனர் என்பது தெளிவாக விளங்குகின்றது. ராஜபக்ச சகோதரர்களின் கடிவாளம் என்னவோ ஜனாதிபதி ரணிலிடம் இருந்தாலும் அதிலிருந்து மீண்டு சுயாதீனமாக இயங்கும் வழிவகைகளை மகிந்த தரப்பினர் ஆராய்ந்து வருகின்றனர். விளையாட்டுத்துறை அமைச்சர் ரொஷான் ரணசிங்கவை ஜனாதிபதி பதவி நீக்கியிருப்பதானது அவர்களுக்குக் கிடைத்த ஒரு வாய்ப்பாக பார்க்கப்படுகின்றது. மொட்டு கட்சியின் உறுப்பினரான ரொஷான் ரணசிங்க ஜனாதிபதியின் செயற்பாடுகளை நேரடியாகவே நாடாளுமன்றத்தில் விமர்சித்திருந்தார். இலங்கை கிரிக்கெட் சபை விவகாரமானது தேசிய அரசியலிலும் பூகம்பங்களை கிளப்பியுள்ளது. மகிந்தவும் நாட்டின் பொருளாதார நெருக்கடிக்கு ரணிலும் மைத்ரியுமே காரணம் என பகிரங்கமாக தெரிவித்துள்ளார். மீண்டும் மகிந்த அணியினரின் கைகள் ஓங்குவது போன்று தெரிகிறது.