மஹிந்த ராஜபக்ஷ பதவி துறக்க வேண்டும் - எம்.ஏ.சுமந்திரன்

Published By: Vishnu

22 Nov, 2023 | 09:19 PM
image

(எம்.ஆர்.எம்.வசீம், இராஜதுரை ஹஷான்)

நாட்டில் பொருளாதார நெருக்கடியை ஏற்படுத்தியவர்கள் என கோத்தபாய ராஜபக்ஷ  மஹிந்த ராஜபக்ஷ , பசில் ராஜபக்ஷ உள்ளிட்ட பலரின் பெயரை உயர்நீதிமன்றம் பெயரிட்டுள்ளது.

எனவே தவறை ஏற்றுக் கொண்டு  பாராளுமன்ற உறுப்பினர் மஹிந்த ராஜபக்ஷ  பதவி விலக வேண்டும். அரசியலமைப்பு பேரவையின் தலைவராக சபாநாயகர்  பதவி வகிப்பதால் எக்காரணிகளுக்காகவும் அரசியலமைப்பு பேரவை  நிறைவேற்றுத்துறையின் ஒரு பகுதியாகாது  என தமிழ் தேசிய கூட்டமைப்பின் பாராளுமன்ற உறுப்பினர் எம்.ஏ.சுமந்திரன் தெரிவித்தார்.

பாராளுமன்றத்தில் புதன்கிழமை (12) இடம்பெற்ற 2024 ஆம் ஆண்டுக்கான வரவு செலவு திட்டத்தில் ஜனாதிபதி மற்றும்  பிரதமருக்கான ஒதுக்கீடுகள் தொடர்பான குழுநிலை விவாதத்தில் உரையாற்றுகையில் மேற்கண்டவாறு குறிப்பிட்டார்.

அவர் மேலும் உரையாற்றுகையில்,

அரசியலமைப்பு பேரவை இன்றும் சகல பிரதிநிதித்துவத்துடன் முழுமையடையவில்லை.அரசியலமைப்பு சபையில் 10 உறுப்பினர்களும் நியமிக்கப்படாமல் வெற்றிடம்  உள்ளது. அரசியலமைப்பு சபை உறுப்பினராக பாராளுமன்ற உறுப்பினர் தர்மலிங்கம் சித்தார்த்தனின் பெயர் முன்மொழியப்பட்ட போதும் இதுவரை அவருக்கான நியமனம் வழங்கப்படவில்லை.  

இந்த விடயம் தொடர்பாக எதிர்க்கட்சித் தலைவர் பாராளுமன்றத்திலும்  கட்சித் தலைவர் கூட்டத்திலும் அதை சுட்டிக்காட்டியிருந்தார்.தமிழ் மக்களின் பிரச்சினைக்கு தீர்வு என கூறும் அரசாங்கம் இந்த விடயத்தில் கூட எவ்வித நடவடிக்கையும் இதுவரை எடுக்கவில்லை.

இதேவேளை நாட்டில் பொருளாதார நெருக்கடியை ஏற்படுத்தியவர்கள் என கோத்தபாய ராஜபக்ஷ மஹிந்த ராஜபக்ஷ பசில் ராஜபக்ஷ உள்ளிட்ட சிலரை உயர்நீதிமன்றம் பெயரிட்டுள்ளது. எனவே தவறை ஏற்றுக் கொண்டு மஹிந்த ராஜபக்ஷ உள்ளிட்டவர்கள் இராஜிநாமா செய்ய வேண்டும்.

பொதுமக்களின் நம்பிக்கையை இழந்த அவர்  தொடந்தும் மக்களின் சார்பாக பாராளுமன்றத்தில்  இருப்பது தவறு  சட்டத்தையும் ஜனநாயகத்தையும் மதிப்பவர்களாக இருந்தால் பாராளுமன்ற உறுப்பினர் பதவியிலிருந்து அவர் இராஜிநாமா செய்வதே சிறந்தது.

அரசியலமைப்பு பேரவை தொடர்பில் ஜனாதிபதி தவறான விடயங்களையே குறிப்பிட்டுள்ளார்.

அரசியலமைப்பு பேரவையின் தலைவராக சபாநாயகர்  பதவி வகிப்பதால் எக்காரணிகளுக்காகவும் அரசியலமைப்பு பேரவை  நிறைவேற்றுத்துறையின் ஒரு பகுதியாகாது. ஆகவே அரசியலமைப்பு பேரவை சட்டசபையுடன் அதிகார சமநிலையுடன் செயற்பட வேண்டும்.

முக்கிய செய்திகள்

icon-left
icon-right

தொடர்பான செய்திகள்

news-image

வடக்கில் போதைப்­பொருள் பாவ­னைகள் அதி­க­ரிப்பு :...

2024-04-23 14:30:27
news-image

ரயிலிலிருந்து தவறி வீழ்ந்து வெளிநாட்டுப் பெண்...

2024-04-23 14:13:24
news-image

சிவனொளிபாத மலை யாத்திரீகர்களின் செயற்பாட்டால் சுற்றாடல்...

2024-04-23 12:46:53
news-image

தியத்தலாவை கார் பந்தய விபத்து :...

2024-04-23 12:19:27
news-image

வறட்சியான வானிலையால் மேல் கொத்மலை நீர்த்தேக்கத்தின்...

2024-04-23 14:11:33
news-image

ஏமாற வேண்டாம் ! 8 நிறுவனங்களின்...

2024-04-23 11:58:01
news-image

நச்சுத்தன்மைமிக்க போதைப்பொருட்களுடன் 720 பெண்கள் உட்பட...

2024-04-23 11:47:46
news-image

ஸ்ரீ லங்கா சுதந்திரக் கட்சியின் முன்னாள்...

2024-04-23 11:44:57
news-image

இணையவழி மூலம் கடன் பெற்று தருவதாகக்...

2024-04-23 11:50:25
news-image

ரயில்வே திணைக்களத்தின் பொது முகாமையாளர் காலமானார்

2024-04-23 10:50:57
news-image

புத்தளம் - குருணாகல் பிரதான வீதியில்...

2024-04-23 10:40:00
news-image

பாக்கு நீரிணையை நீந்தி கடக்க முயன்ற...

2024-04-23 14:18:31