தவறவிடாதீர்கள்..!உடனே பதிவு செய்யுங்கள்

ஈழ மக்கள் புரட்சிகர விடுதலை முன்னணியின் (E.P.R.L.F) ஸ்தாபக தலைவர் பத்மநாபாவின் 72வது பிறந்த தினம் கடந்த ஞாயிற்றுக்கிழமை (19) வடக்கு, கிழக்கு மற்றும் புலம்பெயர் நாடுகளிலும் நினைவுகூரப்பட்டது.

இந்நிலையில், அன்றைய தினம் மாலை ஈழ மக்கள் புரட்சிகர விடுதலை முன்னணியின் மன்னார் மாவட்ட அலுவலகத்தில் கட்சியின் மாவட்ட அமைப்பாளர் எஸ்.ஆர்.குமரேஸ் தலைமையில் ஸ்தாபக தலைவர் பத்மநாபாவின்   பிறந்த தினம் அனுஷ்டிக்கப்பட்டது.

இந்த நிகழ்வில் கட்சியின் செயலாளர் முன்னாள் பாராளுமன்ற உறுப்பினர் சிவசக்தி ஆனந்தன், கட்சியின் முக்கியஸ்தர்கள், உறுப்பினர்கள் என பலர் கலந்துகொண்டனர்.

இதன்போது புலம்பெயர்ந்த உறவுகளின் உதவியுடன் பாடசாலை மாணவர்கள் 65 பேருக்கு கற்றல் உபகரணங்கள் மற்றும் குடை என்பன வழங்கி வைக்கப்பட்டமை குறிப்பிடத்தக்கது.