தவறவிடாதீர்கள்..!உடனே பதிவு செய்யுங்கள்

புத்தளம் மாவட்டத்தில் பெய்து வரும் மழையினால் தப்போவ மற்றும் இங்கினிமிட்டிய நீர்த்தேக்கங்களின் வான் கதவுகள் திறக்கப்பட்டுள்ளன.

புத்தளம் மாவட்டத்தில் பெய்து வரும் மழையினால் தப்போவ மற்றும் இங்கினிமிட்டிய நீர்த்தேக்கங்களில் வான் கதவுகள் திறக்கப்பட்டுள்ளதாக புத்தளம் மாவட்ட நீர்பாசனத் திணைக்களத்தின் பணிப்பாளர் கே.சுப்ரமணியம் தெரிவித்தார்.

அந்த வகையில் தப்போவ நீர்த்தேக்கத்தின் 4 வான் கதவுகள் ஒரு அடி உயரம் வரை திறக்கப்பட்டுள்ளதாகவும் ஒரு செக்கனுக்கு 2040 கன அடி நீர் வெளியேறுவதாகவும் தெரிவித்தார்.

அத்துடன், இங்கினிமிட்டிய நீர்த்தேக்கத்தின் 2 வான் கதவுகள் 2 அடி உயரம் வரை திறக்கப்பட்டுள்ளதாகவும் 4 வான் கதவுகள் ஒரு அடி உயரம் வரைத் திறக்கப்பட்டுள்ளதாகவும் ஒரு செக்கனுக்கு 4,000 கன அடி நீர் வெளியேறுவதாகவும் அவர் இதன்போது தெரிவித்தார்.