2024 ஆம் ஆண்டுக்கான வரவு - செலவுத்திட்டத்தின் 2 ஆம் வாசிப்பு மீதான வாக்கெடுப்பு இன்று

21 Nov, 2023 | 09:23 AM

2024 ஆம் ஆண்டுக்கான வரவு - செலவுத்திட்டத்தின் இரண்டாம் வாசிப்பு மீதான வாக்கெடுப்பு இன்று செவ்வாய்க்கிழமை (21) பாராளுமன்றத்தில் இடம்பெறவுள்ளது.

கடந்த 13ஆம் திகதி நிதியமைச்சர் என்ற வகையில் ஜனாதிபதி ரணில் விக்ரமசிங்கவினால் 2024 ஆம் ஆண்டுக்கான வரவு - செலவுத்திட்டம் முன்வைக்கப்பட்டது.

இந்தநிலையில், கடந்த 14 ஆம் திகதி முதல் வரவு - செலவுத்திட்டத்தின் இரண்டாம் வாசிப்பு மீதான விவாதம் இடம்பெற்று வருகின்றது.

அந்தவகையில், இறுதி நாளான இன்றும் விவாதம் இடம்பெற்று மாலை 6 மணியளவில் 2 ஆம் வாசிப்பு மீதான வாக்கெடுப்பு நடத்தப்படவுள்ளது.

அத்துடன் நாளை புதன்கிழமை (22) முதல் 19 நாட்களுக்கு குழுநிலை விவாதம் நடைபெறவுள்ளதுடன், வரவு - செலவுத்திட்டத்தின் மூன்றாம் வாசிப்பு மீதான வாக்கெடுப்பு, எதிர்வரும் டிசம்பர் மாதம் 13 ஆம் திகதி நடத்தப்படவுள்ளமை குறிப்பிடத்தக்கது.